საქართველომ ბრაზილიაც ჩაძირა

May be an image of 3 ადამიანი საქართველოს წყალბურთელთა ნაკრებმა ტოკიოს ოლიმპიური თამაშების საკვალიფიკაციო ეტაპზე ბრაზილიის ნაკრებიც (12:8) დაამარცხა და ჯგუფში მესამე ადგილი გაინაღდა. დეაინ სტანოევიჩის გუნდს ჯგუფში კიდევ ერთი თამაში დარჩა – ხვალ, ჩერნოგორიასთან. არ არის გამორიცხული, საქართველომ გამარჯვების შემთხვევაში საერთოდ პირველი ადგილი დაიკავოს, მაგრამ ეს ურთულესი საქმე იქნება, რადგან ჩერნოგორიას საკმაოდ ძლიერი გუნდი ჰყავს.

ბრაზილიასთან მატჩი კი ჩვენების უპირატესობით მიმდინარეობდა და სამი პერიოდი მოიგეს. დასკვნით მეოთხედს ხუთბურთიანი ჰანდიკაპით შეხვდნენ. როგორც წინა მატჩებში, ბოლო პერიოდში შედარებით სუსტად ითამაშეს და 4:5 დათმეს. თუმცა, მთავარი საქმე უკვე მოგვარებული იყო.

მოკლედ, ველოდებით ხვალინდელ მატჩებს და გავარკვევთ ვინ იქნება საქართველოს ნაკრების მეტოქე მეოთხედფინალში.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.