ნიკოლოზ ბასილაშვილი აშკარად არ არის სათანადო სათამაშო ფორმაში. პანდემიის შემდეგ განახლებულ ტურნირებზე საქართველოს პირველმა ჩოგანმა ზედიზედ მეხუთე ტურნირზე ერთი სეტიც კი ვერ მოიგო.
ბასილაშვილმა დღეს ჰამბურგში წააგო – იქ, სადაც ბოლო ორი წლის განმავლობაში ტურნირის გამარჯვებული ხდებოდა და ლამის საკუთრად მიაჩნდა. ჩვენებური ესპანელ რობერტო ბაუტისტა-აგუტისთან ორ სეტში – 4:6, 3:6 დამარცხდა.
პირველ სეტში ბასილაშვილმა 1:2-ზე საკუთარი მოწოდება წააგო, მართალია, 2:4-ზე დაიბრუნა, მაგრამ გადამწყვეტ გეიმში ისევ ესპანელს დაუთმო.
მეორე სეტი კი მოწოდების ართმევით დაიწყო, მაგრამ ზედიზედ ორჯერ საკუთარი წააგო და მატჩის ბედიც იქ გადაწყდა – ესპანელმა საქმე მშვიდად მიიყვანა გამარჯვებამდე.
ავტორის პროფილი
- ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.
უახლესი პოსტები
სიახლეები22/06/2026 | 22:56ბასილაშვილმა უიმბლდონი დატოვა
სიახლეები21/06/2026 | 22:10მედლები ბოლოს…
მთავარი ამბავი16/06/2026 | 18:56ფლორა და დემჩენკო იბერიას
მთავარი ამბავი07/06/2026 | 23:05ზვერევის პირველი სლემი