რატომ შერცხვა რიოს?

უპრესტიჟულესი საკლუბო ჯილდოს ფინალში კატალონიელმა გიგანტებმა არანაკლებ ღირსეული „მანჩესტერ იუნიატედი“ უშანსოდ დატოვეს და 3:1 იმარჯვეს. იმის მიუხედავად, რომ სერ ალექსის გუნდს არც ვარსკვლავი აკლდა, არც ქარიზმა და გამოცდილება, პირველივე წუთებიდან ცხადი იყო, რომ ევროპული თასი ესპანეთში გამეგზავრებოდა. თანაც, მანკუნიანელთა სამშობლოდან და ლეგენდარული „უემბლიდან“.

იმ ღამეს, რომელიც ლეო მესისთვის დიდების მწვერვალზე ასასვლელი, ალექს ფერგიუსონისთვის კი უძილო აღმოჩნდა, რიო ფერდინანდი ასე იხსენებს.

„მესის წარმოუდგენელი თვითრწმენა ჰქონდა. ის უბრალოდ მკვლელია. რონალდინიო ჯადოქარია, მაგრამ მესი სულ სხვაა. ის ჩვეულებრივი მკვლელია, რომელიც ყველა ეპიზოდს გოლით ან პასით ასრულებს. „ბარსელონა“ სკოლის მოსწავლეებივით მოგვექცა და გაკვეთილი ჩაგვიტარა. მე, გიგზი და სქოულზი თავჩარგულები ვიდექით და ვუყურებდით როგორ აწიეს თასი, ბიჭებს ვუთხარი: „მრცხვენია!“, – იხსენებს „წითელი ეშმაკების“ ვეტერანი მცველი.

გახსოვთ, „ბარსამ“ პედრო როდრიგესის, ლეო მესის და დავიდ ვილას გოლებით იმარჯვა, წითლებიდან კი უეინ რუნიმ გაიტანა.