ჰოლანდის თებერვალი

დორტმუნდის „ბორუსიას“ ნორვეგიელი ფორვარდი ერლინგ ჰოლანდი ბუნდესლიგაში თებერვლის თვის საუკეთესო ახალგაზრდა ფეხბურთელად დაასახელეს.

გამოკითხვაში მან უკან მოიტოვა „ლაიფციგის“ ნახევარმცველი კრისტოფერ ნკუნკუ და „კიოლნის“ მცველი ისმაილ იაკობსი.

თებერვალში ჰოლანდმა 5 შეხვედრაში მიიღო მონაწილეობა და 4 გოლი გაიტანა. ჯამში ახალბედამ „დორტმუნდის“ მაისური 11 ოფიციალურ შეხვედრაში მოირგო, 12 გოლი გაიტანა და 2 საგოლე პასი გააკეთა. აუცილებლად უნდა აღინიშნოს, რომ 11-დან 6 შეხვედრაში ჰოლანდმა შეცვლაზე ითამაშა, რაც მის სტატისტიკას კიდევ უფრო შთამბეჭდავს ხდის.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".