შუა თითები – სარბიელი

„მანჩესტერ იუნაიტედის” მეკარემ დავიდ დე ხეამ იტალიურ რესტორანში „მანჩესტერ სიტის” თავდამსხმელი სერხიო აგუერო დაინახა და ორივე ხელის შუა თითი აჩვენა. ეს ამბავი, ჩეშირში, ჰეილ ვილიჯში მოხდა და ჩასაფრებულმა ინგლისელმა პაპარაცებმა გადაიღეს.

29 წლის ესპანელი მეკარე და 31 წლის არგენტინელი თავდამსხმელი 2009-2011 წლებში, მადრიდის „ატლეტიკოში” თანაგუნდელები იყვნენ და დღემდე მეგობრული ურთიერთობა აქვთ.

დე ხეა და აგუერო ერთმანეთის პირისპირ ხვალ, „კარაბაოს” ანუ ლიგის თასის ნახევარფინალში წარსდგებიან. მეორე მატჩი დღეს გაიმართება: „ასტონ ვილა” – „ლესტერი”.

„მე და დავიდს ხშირი ურთიერთობა გვაქვს. ჩვენ ხომ „ატლეტიკოში” ერთად ვთამაშობდით და კარგი მეგობრები ვართ. შემდეგ, ჩვენი გზები გაიყო. ორივენი ინგლისში, მანჩესტერში წავედით, მაგრამ მე „სიტიში” ვარ, ის კი „იუნაიტედში”.