ქალები კაცების ზურგზე

გაღმა, ბრაზილიაში, კოპა ამერიკა გაჩაღებულა, სადაც ნახევარფინალისტების ვინაობა გაირკვა.
გამოღმა, საფრანგეთში კი ქალთა მონდიალი მიმდინარეობს. საუკეთესო ოთხეული აქაც ცნობილია. 3 ევროპული და ერთიც, აშშ, რომელიც მსოფლიო მოქმედი ჩემპიონია.

ამასობაში, ქალთა შორის საფეხბურთო ეროვნული ნაკრების მაისურები სულ უფრო იქაურ პოპულარული ხდება. ამის შესახებ Sports illustrated-ის საფეხბურთო მიმომხილველი გრანტ ვალი იტყობინება.

აშშ-ს ქალთა ნაკრების მაისურებს მსოფლიოში ცნობილი ბრენდი Nike აწარმოებს. სწორედ ამ კომპანიის მიერ გავრცელებულ განცხადებაში ვკითხულობთ, რომ რეკორდული რაოდენობის მაისურები გაიყიდა, რაც ბუნებრივია მსოფლიო ჩემპიონატზე წარმატებული თამაშით არის განპირობებული. გაყიდვები 11% გაიზარდა და მოგებამ 7.4 მილიარდი დოლარი შეადგინა.

„ეს შემთხვევითი არ არის. Nike-მა სწორი გათვლა გააკეთა. ახლა, მთელი ამერიკის მასშტაბით, ქუჩებში შეხვდებით მამაკაცებს, რომლებსაც ზურგზე ქალი ფეხბურთელების სახელები აწერიათ,“ – წერს პოპულარული ამერიკული გამოცემა.

შეგახსენებთ, 2 ივლისს, ამერიკის შეერთებული შტატების ნაკრები, ნახევარფინალში ინგლისს დაუპირისპირდება.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...