რუმენიგეს კანი შეცვლის

ლეგენდარულმა კარლ-ჰაინც რუმენიგემ, რომელიც „ბაიერნის“ დირექტორატის თავმჯდომარეა, 2021 წელს კლუბიდან წასვლის გადაწყვეტილება გაამჟღავნა.

„ორი წლის შემდეგ კონტრაქტი დამიმთავრდება და აღარ გვაგრძელებ. კლუბის ხელმძღვანელობაში 20-წლიანი საქმიანობა ალბათ საკმარისია, რომ თავს დასვენების უფლება მივცე. ჩემს ადგილს დიდი ალბათობით ოლივერ კანი დაიკავებს. ოლი ის კანდიდატურაა, რომელიც თავს გაართმევს ამ ვალდებულებებს,” – განაცხადა რუმენიგემ.

თავდაპირველად ვარაუდობდნენ, რომ კანი კლუბის პრეზიდენტ ული ჰიონესს შეცვლიდა, მაგრამ გეგმები რუმენიგეს გადაწყვეტილებამ არია. შეგახსენებთ, რომ ოლივერ კანს „ბაიერნში“ გატარებული 15 წლის განმავლობაში 22 ტიტული აქვს მოგებული.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".