მუტკო გადადგა – სარბიელი

რუსეთის ფედერაციის მთავრობის თავმჯდომარის მოადგილე ვიტალი მუტკო, რომელიც დაბადებით ვიქტორ მუტკო ყოფილა, ქვეყნის ფეხბურთის ფედერაციის პრეზიდენტის თანამდებობიდან გადადგა. მოგეხსენებათ, 5 დეკემბერს მას საერთაშორისო ოლიმპიურმა კომიტეტმა სამუდამოდ აუკრძალა ოლიმპიურ თამაშებზე დასწრება ნებისმიერ რანგში. მიზეზი: დოპინგ-მაქინაციები.

მუტკომ სპორტის საარბიტრაჟო სასამართლოში აპელაცია შეიტანა.

“სანამ საქმე წარმოებაშია, რუსეთის ფეხბურთის ფედერაციის პრეზიდენტის თანამდებობიდან გადავდგები”, — თქვა მან.

გაისად რუსეთი ფეხბურთელთა მსოფლიოს ჩემპიონატს მასპინძლობს. მუტკო შეჯიბრების საორგანიზაციო კომიტეტის კურატორია, თუმცა შესაძლოა ამ თანამდებობიდანაც გადადგეს.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.