დონარუმას ყველა თანაგუნდელისთვის წერილი გაუგზავნია

Winner of the Men's Yashin Trophy, Gianluigi Donnarumma of Italy and Paris Saint-Germain during the 69th Ballon D'Or Ceremony at Theatre Du Chatelet... „მანჩესტერ სიტის’’ 26 წლის იტალიელი მეკარე ჯანლუიჯი დონარუმა ფრანგულ „ეკიპს’’ ელაპარაკა. „პარი სენ ჟერმენის’’ ყოფილმა კარის მცველმა ჟურნალისტებს უამბო, რომ 31 მაისს მიუნხენში ჩემპიონთა ლიგის ფინალის წინ უკლებლივ ყველა თანაგუნდელს წერილი მისწერა.

„…დიახ ყველა თანაგუნდელს მივწერე, რომელშიც მათ იმ ფანტასტიკური თავგადასავლისთვის მადლობა გადავუხადე. წერილი რამდენიმე ენაზე დავწერე, ყველას რომ გაეგო. მასში გადმოცემული იყო ის, რასაც მე ვგრძნობდი, რის გაზიარებაც მინდოდა ბიჭებისთვის. მინდოდა ხაზი გამესვა ყველაფრისთვის, რაც ერთად გავიარეთ, რასაც ერთად მივაღწიეთ. ამ სიტყვების დახმარებით მინდოდა ჩემი რაობა, ბიჭებისადმი ჩემი სიყვარული გამომეხატა. იმ წუთას ერთადერთი, რაც ფაზლს აკლდა ფინალის შედეგი იყო. მიხარია, რომ ეს წერილი ყველამ გულთან ახლოს მიიტანა. იმედი მაქვს, რომ მათი განწყობის შექმნაში მეც შევიტანე გარკვეული წვლილი’’.

ჟურნალისტი დონარუმას ჩაეკითხა, თუ როგორი იყო წერილის ბოლო წინადადება. იტალიელმა ყოყმანის შემდეგ თქვა: „ალბათ, მიყვარხართ! ჰო, ალბათ ეს იყო. მართალი გითხრათ, წერილი ძალიან ინტიმურია და მის შესახებ ლაპარაკი არც მინდა, მაგრამ იმას გეტყვით, რომ ის იყო გულწრფელი და ყველა თანაგუნდელისადმი დიდი სიყვარულით განმსჭვალული. მე პატივს ვცემ ყოველ დღეს, რომელიც იმ წლებში ერთად გავიარეთ. როდესაც ჩვენ გვიჭირდა და სირთულეებს ერთად ვლახავდით’’.