NBA-ს მიმდინარე სეზონში გოგა ბითაძემ მეექვსე ორმაგი დუბლი მიითვალა, მისმა „ორლანდომ“ კი ბოლო 13 მატჩიდან 12 მოიგო. ყველა ამ მატჩში ქართველი ცენტრი ძირითად შემადგენლობაში იყო.
ამჯერად „ორლანდომ“ „ბრუკლინი“ 100:92 დაამარცხა, რაშიც ჩვენებურის წვლილი არცთუ მოკრძალებული იყო – 12 ქულა, 13 მოხსნა, 3 ჩაჭრა, 2 პასი და 2 დაფარება.
გოგამ 6-6 ორქულიანი და საჯარიმო ესროლა, რომელთაგან ზუსტი 4-4 იყო. სამქულიანი არ უსვრია. გუნდში ყველაზე მაღალი +/- ბალანსი (15) ჰქონდა, ხოლო პასივში ერთადერთი დაკარგვა.
„მეჯიქი“ ახლა აღმოსავლეთ კონფერენციაში მე-3 ადგილზეა და მხოლოდ „ბოსტონ სელტიკსს“ და „კლივლენდ კავალიერსს“ ჩამორჩება. ბითაძეს შემდეგი თამაში „ნიუ იორკ ნიქსთან“ უწევს.
მოიგო სანდრო მამუკელაშვილის „სან ანტონიომაც“. ტეხასელებმა ამჯერად „საკრამენტო კინგსს“ აჯობეს – 127:125. სამწუხაროდ, მამუკელაშვილს ამ მატჩში დრო არ მისცემია, ხოლო „სან ანტონიომ“ ფლეი ინის ზონაში შეაღწია, რაც ბოლო წლების მანძილზე გაიშვიათებული ჰქონდა.
ავტორის პროფილი
- ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
უახლესი პოსტები
აქეთურ-იქითური07/06/2026 | 19:21ბეგის თასი მესამე პლატოს
მთავარი ამბავი06/06/2026 | 20:36როლან გაროსი ანდრეევამ მოიგო
მთავარი ამბავი05/06/2026 | 14:07ფავორიტები გავარდნენ
კატეგორიის გარეშე18/04/2026 | 20:40ლუკა ჩემპიონი