არგენტინის ნაკრების მწვრთნელმა ლიონელ სკალონიმ ნახევარმცველ პაულო დიბალას 2024 წლის კოპა ამერიკაზე გამოუძახებლობაზე ისაუბრა.
შეგახსენებთ, არგენტინელებმა ტურნირის ფინალში კოლუმბიის ნაკრები ანგარიშით 1:0 დაამარცხეს. გამარჯვების გოლი კი 112-ე წუთზე თავდამსხმელმა ლაუტარო მარტინესმა გაიტანა.
„დიბალა ჩემთვის განსაკუთრებული ბიჭი იყო და გული მწყდება, რომ ტურნირზე ვერ წავიყვანე”.
დიბალამ გასული სეზონი „რომაში“ გაატარა. მის ანგარიშზე 39 მატჩი, 16 გატანილი გოლი და 10 საგოლე გადაცემაა.
არგენტინა კოპა ამერიკაზე ყველაზე ტიტულოვანი გუნდი გახდა. მათ ახლა 16 მოგება აქვთ კონტინენტურ ტურნირზე. მეორე ადგილს ურუგვაი იკავებს 15 ტიტულით, სამეულს ბრაზილია ცხრა ტიტულით ასრულებს.
