შოუ იორდანიასთან

„თბილისის თასის“ სასტარტო მატჩში საქართველოს ნაკრებმა იორდანიას 86:69 მოუგო.

მოგებაც არის და მოგებაც – ილიას ზუროსის გუნდმა შოუს ელემენტებიც შემოგვთავაზა და მაყურებელს სასიამოვნო კალათბურთი აჩუქა.

მატჩის მიმდინარეობის მოყოლას აზრი არ აქვს – ჩვენები თავიდანვე დაეფლნენ უპირატესობას და ბოლო მეოთხედის წინ 20 ქულით იგებდნენ.

ზუროსმა დასკვნით ნაწილში ექსპერიმენტებს მიმართა, ბოლოს სულაც ის ხუთეული ათამაშა, რომელთაგან ორი მსოფლიოს თასის დაწყებამდე გუნდს დატოვებს.

შთამბეჭდავი იყო სანდრო მამუკელაშვილი – 6-დან 4 სამქულიანი, ჯამში 19 ქულა და 5 მოხსნა. როგორც ყოველთვის ნაყოფიელი თორნიკე შენგელია – 16 ქულა, 10 მოხსნა, 6 პასი. გოგა ბითაძე გუნდს 13 ქულით და 3 დაფარებით შეეწია.

ხვალ ჩვენებს ფინალი აქვთ მონტენეგროსთან, რომელმაც თავის მხრივ 81:66 დაამარცხა ირანის ნაკრები.

შეიძლება იყოს 2 ადამიანი, კალათბურთის მოთამაშე ადამიანები and ტექსტი გამოსახულება

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...