საუკეთესო მასტერსზეც საუკეთესოა

იერუსალიმის მასტერსზე საქართველოს დელეგაციას პირველი მედალი აქვს და ისიც უმაღლესი ხარისხის.

ოლიმპიური კომიტეტისგან საუკეთესო სპორტსმენად დასახელებულმა ტატო გრიგალაშვილმა (81კგ.) ფინალში აზერბაიჯანის სახელით მოჭიდავე საეიდ მოლაეი დამატებით დროში ვაზარით დაამარცხა და საქართველოს ჰიმნი ააჟღერა.

ოქროსკენ მიმავალ გზაზე ტატომ ჯერ უნგრელი ატილა უნგვარი დაამარცხა, ვისაც იტალიელი ანტონიო ესპოზიტო მიაყოლა, ნახევარფინალში კი, ფრანგ უმარ ალფა ჯალოს აჯობა.

დღესვე 73 კგ წონით კატეგორიაში ლაშა შავდათუაშვილმა და გიორგი ტერაშვილმა პირველივე შეხვედრები წააგეს: შავდათუაშვილი ბრაზილიელ დანიელ კარგნინთან დამარცხდა, ხოლო ტერაშვილი – მასპინძელ იდო ლევინთან.

ტატო გრიგალაშვილი მსოფლიო ჩემპიონია

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...