ნაპოლის შემაშფოთებელი მარცხი

Khvicha Kvaratskhelia of SSC Napoli during the Frendly match between SSC Napoli and Lille OSC at Stadio Diego Armando Maradona Naples Italy on 21... „ნაპოლიმ” მიმდინარე სეზონის პირველ ეტაპზე გულშემატკივარი გამარჯვებებს შეაჩვია და ამიტომ სერია A-ს ჩემპიონატის განახლების წინ ამხანაგურ შეხვედრებში ცუდ შედეგებს ხალხი ვეღარ ეგუება. განსაკუთრებით შემაშფოთებელი იყო გუშინდელი 1:4 „ლილთან”, საკუთარ კედლებში, რომელზეც „ლა გაძეტა დელო სპორტმა” ასე დაწერა:

„ორმა მცდელობამ სახეირო ვერაფერი დაამტკიცა, არადა „ვილიარეალთან” 2:3 მარცხის შემდეგ „ლილთან” 1:4-ის წაგება იმას ნიშნავს, რომ „ნაპოლიმ” სეზონის პირველი ნაწილის ბრწყინვალება სწრაფად უნდა აღიდგინოს, თორემ სერია A სადაც არის დაბრუნდება. გუნდს თვალის დახამხამებაში პრინციპული მატჩები ელის კონკურენტებთან, „ინტერთან” და „იუვენტუსთან”, რომელთა შორის გენუაში „სამპდორიასთან” შეხვედრა უწევს.

ფრანგულმა გუნდმა ხაზი გაუსვა „აძურის” მთავარ ნაკლს — გუნდი რგოლებს შორის გაწყვეტილია, რამაც წინა შეხვედრაში, ესპანელებთან, უკვე მოიტანა ცუდი შედეგი. ეს არის შობის წინა პერიოდის „ნაპოლის” უმთავრესი პრობლემა, რომელსაც ჯერ მსოფლიოს ჩემპიონატზე ნათამაშები ხუთი ფეხბურთელი, აგრეთვე სათადარიგო მეკარე სირიგუ, დემე და რაჰმანი აკლია. მათ გარეშე გუნდი გამოსავალს ვერ პოულობს”.

ხვიჩა კვარაცხელიამ „ლილთან” 82 წუთი ითამაშა. „ნაპოლიმ”, კერძოდ ჯაკომო რასპადორიმ გოლი 90+2 წუთზე გაიტანა.