მინიმალური მარცხი ნიდერლანდებთან

საქართველოს წყალბურთელთა ნაკრები ემზადება მსოფლიო თასისთვის, რომელიც 23-26 ივლისს სიდნეიში ჩატარდება.

მზადების ფარგლებში რევაზ ჩომახიძის გაწვრთნილმა გუნდმა ამხანაგური მატჩი ნიდერლანდებთან გამართა და 14:15 დამარცხდა.

ჩვენი გუნდი თითქმის მთელი თამაშის განმავლობაში აგებდა: პირველი მეოთხედი 3:5 წავაგეთ; მეორეში მეტოქემ ზედიზედ სამი ბურთი გაიტანა და სოლიდურად დაწინაურდა, მაგრამ დიდ შესვენებამდე ერთი ბურთი გავქვითეთ – 4:8. მესამე მეოთხედში სიტუაცია გამოვასწორეთ და სხვაობა მინიმუმამდე დავიყვანეთ, ხოლო მეოთეში მოვახერხეთ და სულაც წინ გავედით – 13:12.

თუმცა, დარჩენილ დროში ეს უპირატესობა ვერ გამოვიყენეთ და ერთი ბურთით წავაგეთ. გეტყვით, რომ ავსტრალიაში გასამართ მსოფლიო თასზე საქართველოს მეტოქე მეოთხედფინალში იტალია იქნება. გამარჯვებული მედლებისთვის ბრძოლას გააგრძელებს, ხოლო წაგებული 5-8 ადგილებისთვის ითამაშებს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...