ფრანგი ვარსკვლავი ანტუან გრიზმანი „ატლეტიკოს“ სრულფასოვანი ფეხბურთელი გახდა. მადრიდულმა კლუბმა ის „ბარსელონასგან“ გამოისყიდა და 2026 წლამდე გაუფორმა კონტრაქტი. „ატლეტიკო“ „ბარსელონას“ 31 წლის ფრანგის სანაცვლოდ 20+4 მილიონ ევროს გადაუხდის. შეგახსენებთ, რომ გრიზმანი „ბარსელონაში“ სწორედ დედაქალაქური კლუბიდან გადავიდა 126 მილიონ ევროდ 2019 წლის ზაფხულში.
მიმდინარე სეზონში კი ხშირად იჯდა სათადარიგოთა სკამზე და მინდორზე მე-60 წუთიდან გადიოდა. საქმე ის არის, რომ კონტრაქტში მას ეწერა პუნქტი, რომლის მიხედვითაც გარკვეული წუთების მოგროვების შემთხვევაში, „ატლეტიკოს“ „ბარსელონასთვის“ არა 24, არამედ 40 მილიონი ევრო ექნებოდა გადასახდელი. ფრანგის სათადარიგოდ მოტოვებამ კი სიმეონეს კლუბს 16 მილიონი დააზოგინა.