ეზოში ფეხბურთი ხომ ყველას გვითამაშია?! ხუთი-ხუთზე და ექვსამდე! ჩვენ გოგოს დავიმატებთ და მეტნი ვიქნებით და სხვა… სკოლის სტადიონზე ასეთ ფრაზებს ყოველდღე ისმის, მაგრამ გინახავთ საფეხბურთო მატჩი 807 ბავშვის მონაწილეობით?
ლიონის ფონდში ეს შეძლეს. საფრანგეთში, მსოფლიოს ქალთა ჩემპიონატის მიმდინარეობის პარალელურად, საფეხბურთო კლუბმა „ლიონმა“ და თანაბარი თამაშის ასოციაციამ საქველმოქმედო პროექტი ჩაატარეს. ეროვნების, ასაკის, სქესისა და აღმსარებლობის განურჩევლად 807 მონაწილე ერთმანეთს 68 საათის განმავლობაში ეჯიბრებოდა. მათ მსოფლიო ფეხბურთს ორი რეკორდის დამყარებაშიც შეიტანეს წვლილი. ისტორიაში ეს მატჩი როგორც ყველაზე ხანგრძლივი და ყველაზე მეტი ფეხბურთელის მონაწილეობით შევა.
გარდა უშუალოდ საფეხბურთო დაპირისპირებისა, მოედანზე მოეწყო სამუშაო შეხვედრები, საჯარო ლექციები და დისკუსიები ქალთა ფეხბურთის პოპულარიზაციის შესახებ.
ყველაფრის თავი და თავი კი ევროპის საუკეთესო ქალთა კლუბი – „ლიონი“ გახლდათ, რომელსაც ჩემპიონთა ლიგა 6-ჯერ (ბოლო ოთხი გათამაშება) მოუგია და ორი ფინალიც დაუთმია.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე