პარიზის შატლის თეატრში 2024-25 წლების სეზონის საუკეთესო ფეხბურთელის, „ოქროს ბურთის“ მფლობელის ვინაობა რონალდინიომ გამოაცხადა და… უსმან დემბელე თქვა მან…
გასული სეზონში დემბელეს, ანუ პსჟ-ს მოგებულ ტიტულებზე აღარ მოვყვებით, მხოლოდ გეტყვით, რომ ყველა ტურნირზე მან 35 გოლი გაიტანა.
„ფრანს ფუტბოლმა“ გამარჯვებულის სახელი ისე გულმოდგინედ შეინახა, დიდი ბრაზილიელის სიტყვებამდე დაბეჯითებით ვერავინ თქვა, ვინ მიიღებდა ამ ძვირფასს ჯილდოს. თავად რონალდინიომაც, დილით როცა ჰკითხეს, ასე უპასუხა, „ოქროს ბურთს“ ჩემი ყოფილი გუნდის ფეხბურთელი მიიღებსო. მისი ყოფილი გუნდის ფეხბურთელია დემბელეც და ბარსელონელი ლამინე იამალიც, რომელიც გამოკითხვაში პარიზელს ოდნავ ჩამორჩა.
„ოქროს ბურთის“ დაჯილდოებაზე უფრო ვრცლად მოგვიანებით მოვყვებით, მანამდე კი გეტყვით, რომ როგორც ყოველთვის, ამ სეზონის საუკეთესო ფეხბურთელის გამოსავლენ გამოკითხვაში ახლაც „სარბიელის“ წარმომადგენელმა ვახტანგ ბზიკაძემ მიიღო მონაწილეობა. მისი ათეული (თანმიმდევრობით) ასეთი იყო:
1. ხვიჩა კვარაცხელია 2. უსმან დემბელე 3. ლამინ იამალი 4. აშრაფ ჰაკიმი 5. ვიტინია 6. ნუნო მენდეში 7. რაფინია 8. კილიან მბაპე 9. ჯანლუიჯი დონარუმა 10. კოულ პალმერი