დიადების ომი – სარბიელი

როჯერ ფედერერს უფრო ახლო მეგობარი კორტზე კოლეგებს შორის არავინ ჰყავს, ვიდრე თანამემამულე სტას ვავრინკა.

ისე მოხდა, რომ ისინი „როლან გაროსის“ მეოთხედფინალში ერთმანეთს გადაეყარნენ და ვავრინკამ ისევ დააწყვიტა ნერვები. როჯერმა 7:6, 4:6, 7:6, 6:4 მოიგო. მეოთხე სეტში თამაში თავსხმა წვიმის გამო შეჩერდა, მაგრამ ეს სულაც არაა მთავარი. ნახევარფინალში ფედერერი რაფა ნადალს დაეჯახება, რომელმაც, თავის მხრივ, კეი ნიშიკორის ჩოგბურთი შეაზიზღა – 6:1, 6:1, 6:3.

ვინც სხვა სპორტს უფრო პატივს სცემს, იმათთვის ვიტყვით, რომ ამათი ჯახი საფეხბურთო „რეალი“ – „ბარსაელონაა“, ფორმულას შუმახერი-ბარიკელო ანაც NBA-ს ძველებური „ლეიკერსი“-„სელტიკსია“.

წინ კლასიკა გველოდება. ისიამოვნეთ დიადთა ომით…

მეორე ნახევარფინალის მონაწილეებს კი მეოთხედფინალში ნოვაკ კოკოვიჩი ალექსანდრ ზვერევთან, ხოლო დომენიკ ტიმი რუსს კარენ ხაჩანოვთან გაარკვევს.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".