ჩვენი ფეხბურთელი!

აგერ უკვე 26-ე წელიწადია „სარბიელის“ გამოკითხვის შედეგად საქართველოს საუკეთესო ფეხბურთელი ვლინდება და ასეთი ფაქტი ჯერ არ დაფიქსირებულა… პირდაპირ საქმეზე გადავიდეთ და ვთქვათ: საქართველოს 2025-2026 წლების სეზონის საუკეთესო ფეხბურთელი – ხვიჩა კვარაცხელია!!!

ალალი, უსაყვედურო, დამსახურებული და… წინასწარპროგნოზირებადი. დიდი მარჩიელობა, ფიქრი და წინასეზონისეული მონაგარის გახსენება სულაც არ იყო საჭირო, რომ მსოფლიოს ქართველი ვარსკვლავისთვის გამოკითხვისას უპირობო პირველობა მიგენიჭებინა. ჩვენი შვიდი ათეული კოლეგისთვისაც არჩევანის გაკეთება ისეთი იოლი გამოდგა, როგორც არასდროს – მათ, ერთხმად, საქართველოს 2025-2026 წლების სეზონის საუკეთესო ფეხბურთელად ხვიჩა კვარაცხელია დაასახელეს, ან უფრო მარტივად – კვარა, რომელიც ბოლო რამდენიმე წელიწადია, ყველაზე პოპულარული ქართული თიკუნია. დიახ, ქართველი სპორტული ჟურნალისტებისთვის ალტერნატივა აღარ იყო, მხოლოდ კვარა – კოლეგებისთვის დაგზავნილი 72-ვე ანკეტა ასე დაგვიბრუნდა: N 1 – ხვიჩა კვარაცხელია!

რა ბედნიერებაა, რომ მსოფლიოს ერთ-ერთი საუკეთესო ფეხბურთელი და ოქროს ბურთის მოპოვების მთავარი კანდიდატი ჩვენს შორისაა, ჩვენს ქვეყანაშია აღზრდილ-გაზრდილი, ჩვენს ოღრო-ჩოღრო მოედნებზე გაუგორებია ბურთი, საფეხბურთო ანა-ბანაც აქ უსწავლია და ახლა მთელი დუნია მასზე ლაპარაკობს და აფასებს… ის ჩვენი ფეხბურთელია! გულისფანცქალით ველით მის გოლს, მის ფინტს, მის მომნუსხველ ახალ წარმოდგენას, მის გაბრწყნებულ თვალებს… ველით და გვიხარია, ვამაყობთ, რომ ის ქართველია!

2025-2026 წლების სეზონში რაც მოსაგები იყო, ხვიჩამ ყველაფერი მოიგო და აჩვენა გამორჩეული, ყველასგან განსხვავებული ფეხბურთი. რამდენჯერმე დაასახელეს მსოფლიოს ყველაზე პრესტიჟული საკლუბო ტურნირის კონკრეტული მატჩის საუკეთესო ფეხბურთელად, ბოლოს კი მთელი ტურნირის სახედ… ამ ყველაფრის გათვალისწინებით ჩვენი კოლეგების არჩევანი სავსებით ლოგიკური და ბუნებრივია.

ხვიჩა კვარაცხელიამ „სარბიელის“ ტრადიციული გამოკითხვა, რომლის პარტნიორიც ბოლო რამდენიმე წელიწადია კომპანია ლიდერბეთი გახლავთ, ჯამში მეოთხედ, ზედიზედ კი მეორედ მოიგო. ის მეოთხედ გახდა საქართველოს საუკეთესო ფეხბურთელი, რითაც კახა კალაძეს გაუტოლდა და ჩამოიტოვა სამგზის ლაურეატი შოთა არველაძე.

წლეულს, ისევე როგორც უწინ, ჟურნალისტებმა რჩეულები პირველი, მეორე, მესამეს პრინციპით ჩამოწერეს. ქულების დარიცხვის სისტემა ძველი და მარტივი გახლდათ – პირველ ნომრად დასახელებული კანდიდატს მიენიჭა 3 ქულა, მეორეს – 2, მესამეს – 1. ქულები დაჯამდა და შედეგები, ცხადია, ამჯერადაც საჯარო გახდა.

ნომინანტთა შორის სულ 8 ფეხბურთელია, ყველა ლეგიონერი, რაც, ცხადია, ეროვნული ლიგის არც თუ მაღალ დონეზე მეტყველებს.

ეროვნული გუნდის საუკეთესო დებიუტანტი გამოკითხვაში მონაწილე ყველა ჟურნალისტმა დაასახელა და აქ უკვე დიდი „ომი“ იყო. ავსტრიული „შტურმის“ გიზი მამაგეიშვილსა და ნიდერლანდური „ექსელსიორის“ ირაკლი ეგოიანს შორის კონკურენციაში გადამწყვეტი სულ ერთი ხმა გამოდგა: 30:29 – მოიგო მამაგეიშვილმა. ვულოცავთ გიზის და კიდევ უფრო წარმატებულ კარიერას ვუსურვებთ! აქვე მადლობა მოქანდაკე ლევან ვარდოსანიძეს გამოკითხვაში გამარჯვებულთათვის ექსკლუზიური და ვფიქრობთ, ძალიან ლამაზი პრიზების დამზადებისთვის.

ჟურნალისტი	I ადგილი	II ადგილი	III ადგილი
მიხეილ აბაიშვილი	კვარაცხელია	მიქაუტაძე	დავითაშვილი
ღვთისავარ ანთაძე	კვარაცხელია	კიტეიშვილი	მიქაუტაძე
ილია ბაბუნაშვილი	კვარაცხელია	მიქაუტაძე	კიტეიშვილი
დავით ბანანაშვილი	კვარაცხელია	მიქაუტაძე	კიტეიშვილი
ბიძინა ბარათაშვილი	კვარაცხელია	მიქაუტაძე	დავითაშვილი
ტატო ბაციკაძე	კვარაცხელია	მიქაუტაძე	კიტეიშვილი
კახა ბერიძე	კვარაცხელია	მიქაუტაძე	კიტეიშვილი
ელენე ბილიხოძე	კვარაცხელია	მიქაუტაძე	კიტეიშვილი
ირაკლი ბუხალი	კვარაცხელია	მიქაუტაძე	კიტეიშვილი
პაატა გელაშვილი	კვარაცხელია	მიქაუტაძე	ლოჩოშვილი
დავით გელაძე	კვარაცხელია	მიქაუტაძე	კიტეიშვილი
გიგა გვენცაძე	კვარაცხელია	მიქაუტაძე	კიტეიშვილი
ლაშა გოდუაძე	კვარაცხელია	მიქაუტაძე	კიტეიშვილი
სოლომონ გულისაშვილი	კვარაცხელია	მიქაუტაძე	კიტეიშვილი
გიორგი დარჯანია	კვარაცხელია	მიქაუტაძე	კიტეიშვილი
ლაშა დვალიშვილი	კვარაცხელია
დავით ერაძე	კვარაცხელია	მიქაუტაძე	დავითაშვილი
სოფო ერქვანია	კვარაცხელია	მიქაუტაძე	კიტეიშვილი
გიორგი ვაშაკიძე	კვარაცხელია	მიქაუტაძე	კიტეიშვილი
ლაშა თაბაგარი	კვარაცხელია	მიქაუტაძე	კიტეიშვილი
გოჩა თანდარაშვილი	კვარაცხელია	მიქაუტაძე	დავითაშვილი
გია თვალაბეიშვილი	კვარაცხელია	მიქაუტაძე	კიტეიშვილი
ირაკლი იმედაძე	კვარაცხელია	მიქაუტაძე	კიტეიშვილი
კობა ინასარიძე	კვარაცხელია	მიქაუტაძე	კიტეიშვილი
ალეკო კაკაურიძე	კვარაცხელია	მიქაუტაძე	ჩაკვეტაძე
გიორგი კალატოზი	კვარაცხელია	მიქაუტაძე	კიტეიშვილი
დავით კაპიტანოვი	კვარაცხელია	მიქაუტაძე	კიტეიშვილი
პაატა კვანტალიანი	კვარაცხელია	მიქაუტაძე	კიტეიშვილი
გეგი კიკაბიძე	კვარაცხელია	მიქაუტაძე	ლოჩოშვილი
მაგდა კლდიაშვილი	კვარაცხელია	მიქაუტაძე	კიტეიშვილი
მეგი კუპატაძე	კვარაცხელია	მიქაუტაძე	კიტეიშვილი
ნიკა ლაბილაძე	კვარაცხელია	მიქაუტაძე	კიტეიშვილი
გიორგი ლაშაური	კვარაცხელია	მიქაუტაძე	კიტეიშვილი
მერაბ მამულაშვილი	კვარაცხელია	მიქაუტაძე	დავითაშვილი
ნიკალა მახარობლიშვილი	კვარაცხელია	მიქაუტაძე	კიტეიშვილი
მარიამ მესხი	კვარაცხელია	მიქაუტაძე	კიტეიშვილი
არმაზ მეტრეველი	კვარაცხელია	მიქაუტაძე	კიტეიშვილი
დავით მინაშვილი	კვარაცხელია	მიქაუტაძე	კიტეიშვილი
გიორგი მურვანიძე	კვარაცხელია	მიქაუტაძე	კიტეიშვილი
ილია ნანობაშვილი	კვარაცხელია	მიქაუტაძე	კიტეიშვილი
გიორგი პავლიაშვილი	კვარაცხელია	მიქაუტაძე	კიტეიშვილი
თენგიზ პაჭკორია	კვარაცხელია	მიქაუტაძე	ლოჩოშვილი
გია პლატონიშვილი	კვარაცხელია	კიტეიშვილი	მიქაუტაძე
მიხეილ ჟორჟოლიანი	კვარაცხელია	კიტეიშვილი	მიქაუტაძე
უშანგ რუხაძე	კვარაცხელია	მიქაუტაძე	კვერნაძე
საბა საბანაძე	კვარაცხელია	მიქაუტაძე	კიტეიშვილი
სალომე საგინაშვილი	კვარაცხელია	მიქაუტაძე	კიტეიშვილი
ლევან სალუქვაძე	კვარაცხელია	მიქაუტაძე	კიტეიშვილი
საბა საპანაძე	კვარაცხელია	მიქაუტაძე	კიტეიშვილი
ია სართანია	კვარაცხელია	მიქაუტაძე	დავითაშვილი
ლაშა სილაგავა	კვარაცხელია	მიქაუტაძე	დავითაშვილი
ნიკოლოზ ტაბატაძე	კვარაცხელია	მიქაუტაძე	დავითაშვილი
გია ტუხაშვილი	კვარაცხელია	მიქაუტაძე	კიტეიშვილი
გიორგი უგულავა	კვარაცხელია	მიქაუტაძე	კიტეიშვილი
გიორგი ფულარიანი	კვარაცხელია	მიქაუტაძე	კიტეიშვილი
ცოტნე ქინქლაძე	კვარაცხელია	მიქაუტაძე	კიტეიშვილი
ლევან ღუდუშაური	კვარაცხელია	მიქაუტაძე	დავითაშვილი
ვაკო ყიფიანი	კვარაცხელია	მიქაუტაძე	კიტეიშვილი
მერაბ ყუფარაძე	კვარაცხელია	მიქაუტაძე	კიტეიშვილი
ამირან შაიშმელაშვილი	კვარაცხელია	მიქაუტაძე	კიტეიშვილი
ზუკა ჩაჩანიძე	კვარაცხელია	მიქაუტაძე	დავითაშვილი
ბაჩო ცალუღელაშვილი	კვარაცხელია	მიქაუტაძე	კიტეიშვილი
სანდრო ცნობილაძე	კვარაცხელია	მიქაუტაძე	კიტეიშვილი
პაატა ძნელაძე	კვარაცხელია	მიქაუტაძე	დავითაშვილი
ნია წივწივაძე	კვარაცხელია	მიქაუტაძე	კიტეიშვილი
სალომე ხარატიშვილი	კვარაცხელია	ეგოიანი	კიტეიშვილი
გიორგი ხარშილაძე	კვარაცხელია	მიქაუტაძე	კიტეიშვილი
ანდრო ხელაძე	კვარაცხელია	მიქაუტაძე	კიტეიშვილი
ლუკა ხოჯავა	კვარაცხელია	მიქაუტაძე	კიტეიშვილი
ვაჟა ხუციშვილი	კვარაცხელია	მიქაუტაძე	დავითაშვილი
რეზი ხუციშვილი	კვარაცხელია	მიქაუტაძე	კიტეიშვილი
თამარ ჯიშკარიანი	კვარაცხელია	მიქაუტაძე	კიტეიშვილი