ქართველი ჩოგბურთელი ნიკოლოზ ბასილაშვილი მაიამის მასტერსის 1 000-იანი ტურნირის ძირითად ბადეში ითამაშებს. საამისოდ ჩვენებურს საკვალიფიკაციო ეტაპის გადალახვა მოუწია.ბასილაშვილმა ნახევარფინალში მასპინძელი პატრიკ კიპსონი ორ სეტში დაამარცხა – 6:3: 6:1. თამაში სულ 56 წუთს გაგრძელდა. ჩვენიანმა კიდევ უფრო მარტივად მოიგო ფინალური მატჩი, სადაც იაპონელ შო შიმაბუკუროს 6:2; 6:1 მოიგო, მაგრამ გამარჯვებისთვის ექვსი წუთით მეტი დასჭირდა, ვიდრე კიპსონთან.
გეტყვით იმასაც, რომ ქალთა კვალიფიკაციის ნახევარფინალში დამარცხდა ეკატერინე გორგოძე, ვინაც ორ სეტში ავსტრალიელ ტალია გიბსონთან 3:6; 2:6 წააგო.
ძირითადი ბადის პირველ წრეში ნიკოლოზ ბასილაშვილი დღეს საღამოს მსოფლიო რეიტინგის 61-ე ნომერს, არგენტინელ მარიანო ნავონეს შეხვდება.
ავტორის პროფილი
- ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
უახლესი პოსტები
სიახლეები25/07/2026 | 22:20მსოფლიო ბოლოზე
სიახლეები24/07/2026 | 15:45საქართველო მეშვიდესთვის
აქეთურ-იქითური22/07/2026 | 19:34პომიდორი წონის შესაბამისად
აქეთურ-იქითური18/07/2026 | 18:58ფეხბურთი ვიცი, ცხოვრებას ვსწავლობ