პასი, პასი, გოლი, მაგრამ წაგება

„ტულუზმა’’ მოგების გარეშე გავლილი ექვსთამაშიანი სერია „მეცთან’’ დაასრულა – გამარჯვება 90+9 წუთზე მოიპოვა, როდესაც შეხვედრაში ექვსი გოლი უკვე გასული იყო. სამი გიორგის გუნდს ახლა უკვე 14 ტურია თამაში არ მოუგია და სავარაუდოდ ლიგა 1-ში ადგილს ვეღარ შეინარჩუნებს.

სამი გიორგიდან „ტულუზთან’’ მოედანზე ორი ვიხილეთ: წიტაიშვილი თავიდან ბოლომდე, ხოლო აბუაშვილი 71-ე წუთზე შეცვლაზე შევიდა. ქვილითაია განაცხადში არ ყოფილა.

წიტაიშვილმა შეხვედრა ძალიან კარგად ჩაატარა. არსებითად „მეცის’’ სამი გოლიდან ორი მისი პასით გავიდა – ნათან მბალას შემდეგ კუფი კოაოსაც ქართველმა ჩააწოდა, მაგრამ გზად ბურთი ოდნავ შეეხო მცველს და ტექნიკურად საგოლე პასად არ ჩაითვალა. აღსანიშნავია, რომ თავიდან „მეცი’’ 0:2-ს აგებდა და წიტაიშვილის პასებით გატანილმა გოლებმა წონასწორობა აღადგინა. პირველი ტაიმის მიწურულს, 45+3 წუთზე სტუმრებმა კიდევ ერთი გოლი შეაგდეს, მაგრამ 88-ეზე აბუაშვილმა ერთხელაც გაათანაბრა. და როდესაც „მეცი’’ შეხვედრის მოსაგებად მთელი ძალით წინ წავიდა, „ტულუზმა’’ გამარჯვების გოლი შეაგდო.

ქართველი ფეხბურთელების თამაში ასე შეფასდა

წიტაიშვილი: flashscore – 8.2 (თანაგუნდელთა შორის საუკეთესო შეფასება); sofascore – 8.1 (თანაგუნდელთა შორის საუკეთესო შეფასება); whoscored – 7.9 (მეორე შეფასება თანაგუნდელთა შორის); fotmob – 8.4 (თანაგუნდელთა შორის საუკეთესო შეფასება)

აბუაშვილი: flashscore – 7.0; sofascore – 7.3; whoscored – 6.9; fotmob – 7.0