ისტორია ზამთარში

Anastasiia Metelkina & Luka Berulava skate off with second ISU Grand Prix gold in Chongqing

მილანსა და კორტინაში მიმდინარე ზამთრის ოლიმპიურ თამაშებზე საქართველომ ისტორიული მედალი მოიპოვა და ეს ანასტასია მეტელკინასა და ლუკა ბერულავას დუეტმა მოახერხა.

ფიგურულ ციგურაობის სპორტულ წყვილებში საქართველოს წარმომადგენლები მეორე ადგილზე გავიდნენ. მეტელკინა-ბერულავა მოკლე პროგრამის შემდეგაც მეორე ადგილზე იყვნენ, მაგრამ ყველაფერი თავისუფალ პროგრამას უნდა გადაეწყვიტა, სადაც ჩვენებმა მცირე ხარვეზებით, მაგრამ დამაჯერებლად ისრიალეს და ისტორია დაწერეს.

მეტელკინა-ბერულავამ თავისუფალ პროგრამაში 146.29 ქულა დაიმსახურეს, ჯამში 221.75 და მხოლოდ იაპონელ წყვილს ჩამორჩნენ. მიურასა და კიჰარას წყვილი კი მართლაც შეუდარებელი იყო – თავისუფალ პროგრამაში მსოფლიო რეკორდი დაამყარეს და ოლიმპიური ჩემპიონები დამსახურებულად გახდნენ.

ფიგურულ სრიალში ქალთა ინდივიდუალური შეჯიბრია დარჩენილი, სადაც ჩვენი სახელით ანასტასია გუბანოვა გამოვა.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.