კიდევ უფრო საიმედო ინფორმაცია კვარას შესახებ

თავიდან შიშობდნენ, რომ ხვიჩა კვარაცხელიას ტრავმა სერიოზული იყო. არ გამორიცხავდნენ, რომ „პარი სენ ჟერმენის’’ ქართველ გარემარბს დიდი ხნით მოუწევდა მკურნალობა და შესაბამისად ფორმის აღდგენაც. შემდეგ გამოჩნდა დამაიმედებელი ინფორმაცია, რომ პსჟ-სა და „ნიუკასლ იუნაიტედის’’ შეხვედრაში დაშავებული ფეხბურთელი 2-3 კვირაში ანუ თებერვლის შუაში, მაქსიმუმ თვის ბოლო დაუბრუნდებოდა მოედანს, ბოლოს კი „პარიზიენმა’’ კიდევ უფრო სასიამოვნო ინფორმაცია გაავრცელა: კვარაცხელიას შეიძლება მხოლოდ 8-10 დღე გაუცდეს.

„პარიზიენი’’ ამას ქართულ წყაროზე, კერძოდ GEO TEAM-ზე დაყრდნობით წერს. მოტეხილობა არ არის.

მოგვიანებით footmercato-მ გაავრცელა ცნობა, რომ იმავეს წერს თავად კლუბიც თავის ოფიციალურ განცხადებაში.

შეგახსენებთ, რომ კვარაცხელია ჩემპიონთა ლიგის ჯგუფური ეტაპის ბოლო ტურის შეხვედრაში მე-20 წუთზე დაშავდა, როდესაც ინგლისური გუნდის შვედმა თავდამსხმელმა ანტონი ელანგამ წააქცია და ფეხებს შორის ქართველის ტერფი მოიყოლა.

გამოდის, რომ „პარი სენ ჟერმენი’’ კვარაცხელიას გარეშე მხოლოდ ლიგა 1-ის შემდეგი ტურის მატჩში, სტრასბურგში ითამაშებს, ხოლო 8 თებერვლის „ლე კლასიკისთვის’’ ანუ „პარკ დე პრენსზე’’ „მარსელთან’’ შესახვედრად შეიძლება მზადაც იყოს.

რაც შეეხება ჩემპიონთა ლიგის ფლეი-ოფს „მონაკოსთან’’ ან „ყარაბახთან’’, ის 17-18 და 24-25 თებერვალს არის ჩანიშნული და ცხადია ქართველი ამ შეხვედრებში მონაწილეობას მიიღებს.