დემბელეს იალამისთვის 321 ქულით გაუსწრია!

აქ საკამათო აღარაფერია. „ფრანს ფუტბოლის’’ 69-ე დაჯილდოების ოფიციალურმა მაუწყებელმა „ეკიპმა’’ გამოაქვეყნა გამოკითხვის საბოლოო სია ქულებით და გაირკვა, რომ ოსმან დემბელეს ლამინ იამალისთვის 321 ქულით გაუსწრია. შედარებისთვის: შარშან როდრიმ ვინისიუს ჟუნიორს 41 ქულით აჯობა.

საფრანგეთის ნაკრებისა და პარი სენ ჟერმენის ვარსკვლავს ფიფას რეიტინგის 100 ტოპ ქვეყნის (საქართველო 68-ე ადგილზეა) 100 ჟურნალისტიდან 73-მა პირველი ადგილი არგუნა. ბარსელონელი ჭაბუკი პირველზე მხოლოდ 11-მა დაწერა. ვიტინიას პირველობა ექვსი, მოჰამედ სალაჰს ოთხი, აშრაფ ჰაკიმის სამი, ხვიჩა კვარაცხელიას, კილიან მბაპესა და სკოტ მაკტომინეის კი თითო ჟურნალისტის აზრით ერგებოდა. შეგახსენებთ, რომ კვარაცხელია პირველ ადგილზე „სარბიელის’’ წარმომადგენელმა ვახტანგ ბზიკაძემ ჩაწერა.

საინტერესოა, რომ კვარაცხელიას პედრიმ ერთადერთი ქულით გაასწრო. ესპანელმა 124, ხოლო ქართველმა 123 ქულა მოაგროვა.

გთავაზობთ ოცდაათეულს სრულად:

ოსმან დემბელე – 1380
ლამინ იამალი – 1059
ვიტინია – 703
მოჰამედ სალაჰი – 657
რაფინია – 620
აშრაფ ჰაკიმი – 484
კილიან მბაპე – 378
კოულ პალმერი – 211
ჯანლუიჯი დონარუმა – 172
ნუნუ მენდეში – 171
პედრი – 124
ხვიჩა კვარაცხელია – 123
ჰარი კეინი – 112
დეზირე დუე – 74
ვიქტორ გიოჯერეში – 56

16. ვინისიუსი – 51; 17. რობერტ ლევანდოვსკი – 49; 18. სკოტ მაკტომინეი – 45; 19. ჟოაო ნევეში – 40; 20. ლაუტარო მარტინესი – 37; 21. სერუ გიურასი; 22. ალექსის მაკალისტერი – 21; 23. ჯუდ ბელინგემი – 21; 24. ფაბიან რუისი – 20; 25. დენზელ დუმფრისი – 20; 26. ერლინგ ჰოლანდი – 18; 27. დეკლან რაისი – 13; 28. ვირჯილ ვან დაიკი – 7; 29. ფლორიან ვირტცი – 5; 30. მიშელ ოლისე – 4.