US OPEN-ის ფინალში არინა საბალენკამ ამანდა ანისიმოვა ორ სეტში, 6:3; 7:6 დაამარცხა – ბელარუსმა ჩოგბურთელმა ამერიკაში ზედიზედ მეორედ იმარჯვა, სულ კი, მისი მონაგარი ოთხი დიდი სლემის ტიტულია.
საერთო ჯამში საბალენკამ ტიტული დამაჯერებელად მოიგო და ტურნირის განმავლობაში მხოლოდ ერთი სეტი დათმო. ანისიმოვა კი, ზედიზედ მეორედ გავიდა დიდი სლემის ფინალში და მეორედ წააგო – წინა უიმლბდონი იყო.
საინტერესო გამოდგა პირველი სეტი: ჯერ საბალენკა დაწინაურდა ბრეიკით, შემდეგ ზედიზედ ორი საკუთარი ჩაწოდება წააგო და ჩამორჩა. თუმცა, ორივე იქვე დაიბრუნა და 6:3 იმარჯვა.
მეორე სეტში ანისიმოვა ორჯერ ჩამორჩა ბრეიკით, მაგრამ ორივეს დაბრუნება შეძლო, რის შემდეგ საქმე ტაი ბრეიკამდე მივიდა. იქ კი, რეიტინგის პირველი ნომერი დომინანტური იყო.