ბეტისმა და კომომ ჩხუბში ივარჯიშეს

ესპანური „ბეტისი’’ სეზონისწინა ამხანაგურ შეხვედრაში იტალიურ „კომოს’’ დაუპირისპირდა, მაგრამ სიტყვა დაპირისპირება სპორტის ფარგლებს გასცდა და მუშტიკრივში გადაიზარდა. ჯგუფურ ჩხუბში ორივე გუნდის ფეხბურთელებმა მიიღეს მონაწილეობა.

შესვენებისას „კომო’’ იგებდა 2:0-ს. გოლები გაიტანეს „ბეტისის’’ ყოფილმა ფეხბურთელმა ასანე დიაომ და ლუკას დე კუნიამ. ჩხუბის მიზეზი კი პაბლო ფორნალსისა და მასიმო პერონეს ძიძგილაობა გახდა.

იყო კომიკური მომენტიც, როდესაც „ბეტისის’’ ფეხბურთელი კუჩო ერნანდესი მოედანზე შევარდა, მაგრამ რაღაც აერია და ნაცვლად იმისა, რომ „კომოს’’ მოთამაშე ეცემა თანაგუნდელი ნატანი გალახა.