რენი რეალური თანხის გადასახდელად დღესვე მზადაა

Zuriko Davitashvili during the friendly match between Saint-Etienne and Servette Geneve at Stade Jacques Forestier on July 18, 2025 in Aix-les-Bains,... დაიწყო აგვისტო. ფეხბურთელებს კლუბების გამოსაცვლელად რამდენიმე კვირაღა დარჩათ. „სენტ ეტიენს’’ სხვაგან გადასვლის მსურველი ორი ჰყავს: ლუკა სტასენი და ზურიკო დავითაშვილი, მაგრამ კლუბს ლიგა 1-ში დაბრუნება აქვს გადაწყვეტილი და ამისათვის ქართველიც სჭირდება და ბელგიელიც.

დავითაშვილის ყიდვა რამდენიმე კლუბს უნდა. foot01-ის ინფორმაციით ესენია: „ევერტონი’’, „მიონხენგლადბახი’’, „სევილია’’ და „სტრასბურგი’’, მაგრამ არის კიდევ ერთი გუნდი, გასულ სეზონში მე-12 ადგილზე გასული „რენი’’, რომელსაც მისი წაყვანა სხვებზე მეტად სურს და თუ შესაძლებლობა მიეცემა საქმეს მთელი ძალით ჩაებღაუჭება.

Foot Mercato წერს, რომ „ბორდოს’’ ყოფილი მოთამაშის ბედი უახლოეს დღეებში გადაწყდება. წერენ, რომ საქართველოს ნაკრების შემტევი ბოლო ორ ამხანაგურ შეხვედრაში „კალიარისა’’ და „პარიზთან’’ არ გავიდა მოედანზე, ასეთი დამოკიდებულება კი „სენტ ეტიენს’’ ხელს არ აძლევს.

შექმნილი მდგომარეობიდან გამომდინარე „მწვანეები’’ მზად არიან დავითაშვილს შეელიონ თუ რომელიმე კლუბი მასში 15-20 მილიონ ევროს გადაიხდის, მაგრამ აქ საქმეში იტალიური პრესა ჩაერია და დაწერა, რომ ეს დიდი თანხაა, რომელმაც მაგალითად „ბოლონია’’ დააფრთხო. თუ „სტეფანუა’’ მადას დაიოკებს, „რენი’’ მას კონკრეტული წინადადებით მიმართავს და შეიძენს მოთამაშეს, რომელიც ბრეტანელთა ხელმძღვანელობის აზრით მათ თავდასხმას გააძლიერებს.