ჟორჟის ლამაზი გოლი და კონფლიქტი დონარუმასთან

Home კატეგორიის გარეშე ჟორჟის ლამაზი გოლი და კონფლიქტი დონარუმასთან
ჟორჟის ლამაზი გოლი და კონფლიქტი დონარუმასთან

„პარი სენ ჟერმენმა’’ „ლიონს’’ 3:1 მოუგო და დაუმარცხებელი მატჩების რაოდენობა თხუთმეტამდე გაზარდა. ცხადია პარიზელთა გუნდი ლიგა ერთის ლიდერია. ეს პარიზში „პარკ დე პრენსზე’’ მოხდა, სადაც სტუმრების ერთადერთი გოლი ქართველმა თავდამსხმელმა ჟორჟ მიქაუტაძემ გაიტანა ― მან ჯანლუიჯი დონარუმას ბურთი თავზე გადაუგდო, რის მერეც ის ბადიდან გამოიტანა და შეეცადა სწრაფად მიეტანა მოედნის ცენტრში (ანგარიში გახდა 2:1). დინარუმამ მიქაუტაძისთვის ბურთის გამოგლეჯვა სცადა. „ლიონის’’ თავდამსხმელი წაიქცა. ატყდა გაწევ-გამოწევა, თუმცა პირველი ტაიმის მიწურულს მიქაუტაძე იტალიელთან მივიდა და შეურიგდა. ამ ეპიზოდში მსაჯმა ორივე გააფრთხილა.

მიქაუტაძემ მოედანი 66-ე წუთზე დატოვა. ქართველის ნაცვლად მოედანზე მისი მთავარი კონკურენტი ალექსანდრ ლაკაზეტი შევიდა.

Flashscore-ის შეფასებით გიორგიმ 7.1 ქულა დაიმსახურა, ხოლო whoscored-ის შეფასებით – 7.0. ეს ორი საიტი სტატისტიკის მიხედვით მსჯელობს, ამიტომ უნდა ვივარაუდოთ, რომ გიორგის ქულა ყვითელმა ბარათმა დააკლო.

 

ავტორის პროფილი

პაპუნა კედია
"სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.