ორი იანვარი რომ დასვენებაა…

ესპანეთში გადადებული მატჩების გამო კალენდართან დაკავშირებულმა პრობლემებმა წამოჰყო თავი. ვალენსიას ოქტომბერში თავს წყალდიდობა DANA დაატყდა, როს გამოც „მესტალიას’’ „რეალი’’ ვერ ესტუმრა. მართალია გუშინ, ხუთშაბათს დადგინდა, რომ ეს მატჩი 2 იანვარს ჩატარდება, მაგრამ ქვეყანაში არსებობს შეთანხმება, რომლის თანახმადაც 2 იანვარი ფეხბურთელებისთვის დასვენების დღეა. იმისათვის, რომ მატჩი ამ დღეს გაიმართოს, თანხმობა AFE-მ ანუ ესპანელ ფეხბურთელთა ასოციაციამ უნდა განაცხადოს.

შეთანხმება, რომელიც ზემოთ ვახსენეთ AFE-სა და ლა ლიგას შორის დაახლოებით ერთი წლის წინ გაფორმდა. მის თანახმად პროფესიონალმა ფეხბურთელებმა 23 დეკემბრიდან 2 იანვრამდე უნდა დაისვენონ. სავარაუდოდ, AFE-ს ორივე კლუბის ფეხბურთელებთან მოუწევს შეთანხმება.

„ვალენსიასა’’ და „რეალის’’ თამაშის თარიღის დადგენა მეტწილად „რეალის’’ გადატვირთული კალენდრის გამო რთულდება.