კარგად დაწყებული, ცუდად დამთავრდა

საქართველოს კალათბურთელთა ნაკრებს პარიზის ოლიპიური თამაშების საგზურის მოპოვებლად ფილიპინელების 19 ქულით დამარცხება სჭირდებოდა.

ერთი შეხედვით ეს რთული შესაძლებელი იყო, მაგრამ თამაშის მიმდინარეობისას ყველაფერი შესაძლებელი გახდა… საოცარი დასაწყისი გვქონდა – ხუთ წუთში გაკეთებული დიდი საქმე – 16:0, მაგრამ ნახევარ წუთში ზედიზედ ექვსი ქულა მივიღეთ. პერიოდი კი, 28:17 მოვიგეთ და შანსი დავიტოვეთ.

მეორე პერიოდის დაწყებიდან 2 წუთი და 36 წამი იყო გასული, როდესაც ტაბლოზე ჩვენთვის სასურველი ანგარიში ენთო – 40:20. თუმცა, ისევ ავურიეთ და ზედიზედ 11 ქულა მივიღეთ, მერე სხვაობა საერთოდ 6 ქულამდე დავიდა, მაგრამ ტაიმის ბოლოსკენ მაინც გამოვსწორდით და დიდ შესვენებაზე 12 ქულიანი უპირატესობით გავედით – 55:43.

შესვენების შემდეგ კატასტროფულად ვითამაშეთ და მესამე პერიოდის დასრულებამდე სამი წუთით ადრე ანგარიში სულაც თანაბარი იყო და ბოლო მეოთხედის წინაც თანაფარდობა დაფიქსირდა – 74:74. ბოლო პერიოდში კი გავიბრძოლეთ, მაგრამ მხოლოდ მოგებას გამოვრჩით – 96:94 და ოლიმპიადაზე ფიქრს რიგაში დავემშვიდობეთ…

შეიძლება იყოს 3 ადამიანი, კალათბურთის მოთამაშე ადამიანები and ტექსტი გამოსახულება

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...