ვერცხლის ლიგის შუაში

საქართველოს ფრენბურთის ქალთა ასაკობრივი ნაკრები ევროპის ჩემპიონატზე იასპარეზებს | საინფორმაციო სააგენტო "ინტერპრესნიუსი" ევროპის ვერცხლის ლიგაში საქართველოს ქალ ფრენბურთელთა ნაკრებმა საშინაო არენაზე ლუქსემბურგი 3:0 დაამარცხა და 10-გუნდიან ჯგუფში მეხუთე ადგილზეა.

ლუქსემბურგთან მატჩი ცუდად დავიწყეთ: პირველ სეტში ორჯერ ჩამოვრჩით ექვსი ბურთით, ბოლოს სტუმრებს სეტ-პოინტიც ჰქონდათ, მაგრამ ეს ამოცანაც გადავჭერით და სეტი 26:24 მოვიგეთ. მეორე სეტში ლუქსემბურგი წინ მხოლოდ დასაწყისში გავიდა, შემდეგ უპირატესობას ჩვენი გოგონები ფლობდნენ, იყო მომენტი 10 ბურთითაც ვიგებდით, მაგრამ ბოლოს 25:18 ვიმარჯვეთ. ცუდად დავიწყეთ მესამე სეტიც და ხუთი ბურთით ჩამოვრჩით – 3:8. თუმცა ზედიზედ შვიდი ქულა ავიღეთ და ამის შემდეგ მეტოქის დამარცხება არ გაგვჭირვებია – 25:15.

ვერცხლის ლიგაში ეს საქართველოს ნაკრების მესამე მოგება იყო – ვაჯობეთ ფარერებს (3:0), ლუქსემბურგს (3:0), ხოლო ბოსნიასთან (3:0 ტექნიკური მოგება ჩაგვეთვალა.

გვაქვს ორი მარცხიც – ლატვიასთან (0:3) და მონტენეგროსთან (1:3).

ჯგუფს 5 მოგებით უნგრეთი ლიდერობს; 4-4 მოგება აქვთ პორტუგალიასა და მონტენეგროს; ჩვენსავით 3 მოგებით ფინეთი მეოთხეზეა, მაგრამ მეტი არც უთამაშია. მომდევნო მატჩს ჩვენი გუნდი 2 ივნისს, თბილისში გამართავს, მეტოქედ კი ისლანდია ეყოლება.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...