საქართველოს ეროვნულ ოლიმპიურ კომიტეტმა ძალოსნობის საერთაშორისო ფედერაციისგან შესაბამისი წერილი უკვე მიიღო, რომ პარიზის ოლიმპიურ ფიცარნაგზე შოთა მიშველიძე (61კგ), ირაკლი ჩხეიძე (102კგ) და ლაშა ტალახაძე (+109კგ) იასპარეზებენ.
საქართველოს ნაკრებმა პარიზის საგზურებისთვის ხუთ სალიცენზიო ტურნირზე იასპარეზა, რომლის შედეგების გათვალისწინებითაც ოლიმპიური ლიცენზიის მისაღებად რეიტინგის საუკეთესო ათეულში მოხვედრა იყო აუცილებელი.
ლაშა ტალახაძე ამ რეიტინგში ლიდერობს, შოთა მიშველიძე მე-7 ადგილზეა, ხოლო ირაკლი ჩხეიძე – მე-9. ჩვენს ძალოსნებს კიდევ ერთი ლიცენზიის მოპოვება შეუძლიათ – ქალთა ნაკრების ლიდერის, ანასტასია გოტფრიდის საკითხი, ოლიმპიური თამაშების დაწყებამდე ორი კვირით ადრე გაირკვევა.
შეგახსენებთ, რომ ოლიმპიადის საგზურები ასევე მოპოვებული აქვთ გოდერძი ძებისაშვილს, გივი მაჭარაშვილს, ვლადიმერ გამყრელიძეს, გენო პეტრიაშვილს (თავისუფალი ჭიდაობა), რობერტ კობლიაშვილს, რამაზ ზოიძეს (ბერძნულ-რომაული ჭიდაობა), ნინო სალუქვაძეს (ტყვიის სროლა), ლაშა გურულს (კრივი), ლუბა გოლოვინას (ბატუტზე ხტომა) და სანდრო ბაზაძეს (ფარიკაობა).
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე