ლუკა მარელი: ამ ორ ეპიზოდს შორის კავშირი არ იყო

First Fiorentina goal, Luca Marelli's slow motion on DAZN „ფიორენტინასა” და „ნაპოლის” შორის ფლორენციაში გამართული შეხვედრა ემოციური გამოდგა. სტუმრები ამირ რაჰმანის თავურით დაწინაურდნენ, მაგრამ მე-40 და 42-ე წუთებზე მასპინძლებმა ორი გოლი გაიტანეს. მეორე ტაიმში ხვიჩა კვარაცხელიამ საჯარიმო დარტყმით გაქვითა ანგარიში.

ნეაპოლელი გულშემატკივრისთვის საკამათო „ფიორენტინას” პირველი გოლი გამოდგა. ამ ეპიზოდში „აძურის” კარში დაინიშნა ჯარიმა, რომელიც დარტყმის ოსტატმა კრისტიანო ბირაგიმ გაიტანა. ამ ეპიზოდის შესახებ ყოფილმა მსაჯმა ლუკა მარელიმ ილაპარაკა.

„საჯარიმო მოედნის მისადგომებთან სტანისლავ ლობოტკამ აშკარად ხელით ითამაშა და ამისათვის „ნაპოლის” კარის მიმართულებით რასაკვირველია ჯარიმა უნდა დანიშნულიყო. არის მოსაზრება, რომ მანამდე ფლორენციელთა ნახევარზე დოდომ კვარაცხელია წააქცია, რის გამოც თამაში უნდა გაჩერებულიყო, თუმცა ამ ორ ეპიზოდს შორის კავშირი არ არის. ლობოტკა თავის საჯარიმოსთან კვარას წაქცევიდან მთელი ერთი წუთის შემდეგ დაჯარიმდა,” — თქვა მარელიმ.