Month: March 2024

„ბათუმმა“ ზედიზედ მეხუთე მატჩი მოიგო და ჯერჯერობით ეროვნულ ლიგაში 100-პროცენტიანი შედეგი აქვს – 5 მატჩი, 5 მოგება. ამჯერად ბათუმელებს საკმაოდ რთული შეხვედრა გამოუვიდათ „ტორპედოსთან,“ ერთი ხანი აგებდნენ კიდეც, მაგრამ მაინც მოიგეს. გამარჯვების გოლი 97-ე წუთზე გაიტანა ვლადიმერ მამუჩაშვილმა პენალტით. „კოლხეთზე“ დებიუტანტის თქმა ცოტა უხერხულია, მაგრამ ფაქტია, ხუთწლიანი პაუზის შემდეგ ელიტაში დაბრუნებულ ზღვისპირელებს პირველი ტურის შემდეგ…

იტალიის საზოგადოებრივი მაუწყებლის, RAI-ს ჟურნალისტი ჩირო ვენერატო „ნაპოლის” მომავალ მწვრთნელზე ლაპარაკისას ასე ამბობს: „მასიმილიანო ალეგრისთან დაკავშირებით რაც გინდა მოხდეს, „იუვენტუსი” ანტონიო კონტეს სამსახურს არ შესთავაზებს. ამრიგად, იტალიურ კლუბებს შორის მასთან ყველაზე ახლოს არის „ნაპოლი”. აურელიო დე ლაურენტისთან დიალოგი წუთითაც არ შეწყვეტილა. ზამთარში ნათქვამი კატეგორიული არას მერეც კი. კონტე ტოპ-მწვრთნელია. მას კვლავ ახალი გუნდის აშენება სურს,…

ნეაპოლური მედია დამნაშავის ძებნაში მსაჯ ლუკა პაირეტოს მიადგა — სერია A-ს 30-ე ტურში „ნაპოლიმ” „ატალანტასთან” შინ 0:3 წააგო. მოგეხსენებათ, ხვიჩა კვარაცხელიას ამ შეხვედრაში არ უთამაშია. მან საქართველოსა და საბერძნეთის ნაკრებების მატჩში ფეხი იტკინა. ნეაპოლში ირონიულად წერენ, იქნებ ტელეკომპანია DAZN-ის მიმომხილველებმა გვაჩვენონ წესი, სადაც წერია, რომ „ნაპოლის” ფეხბურთელზე ხელებით დაყრდნობა და ისე ახტომა ნებადართულიაო. „ის, რაც…

სანაკრებო კვირეულის შემდეგ „ვალენსიამ” შინ „მალიორკას” ვერ მოუგო — 0:0. მასპინძლებს შეეძლოთ გოლის გატანა. ამისათვის მათ რამდენიმე საგოლე მომენტი ჰქონდათ, რომელთაგან ერთი გამორჩეული იყო: პეპელუს მიერ ჯარიმიდან დარტყმული ბურთი ძელმა კარის წინ ჩამოაგდო, სადაც პეტერ ფედერიკო მარტო იდგა, მაგრამ 21 წლის ვალენსიელმა მას ხაზი ვერ გადააკვეთინა. „ღამურების” მეკარემ გიორგი მამარდაშვილმა არც ამ შეხვედრაში გაუშვა გოლი….

გიორგი მამარდაშვილი საქართველოს ნაკრების გმირია, მან თავისი ქვეყნის ეროვნული გუნდი ისტორიაში პირველად ევროპის ჩემპიონატის ფინალურ ეტაპზე გაიყვანა, მაგრამ ამ შეხვედრაში გადამწყვეტი როლი ვალენსიაში მცხოვრებმა კიდევ ერთმა ფეხბურთელმა გიორგი ქოჩორაშვილმა ითამაშა. „ლევანტეს” წევრმა საბერძნეთთან 0:0 დასრულებული შეხვედრის შემდეგ პენალტების სერიაში პირველი დარტყმა შეასრულა და ეს დარტყმა ქართულ საფეხბურთო მეხსიერებას სამუდამოდ შემორჩება. ქოჩო ორივე შეხვედრაში, ნახევარფინალსა და…

დღეს ხვიჩა კვარაცხელია „ნაპოლისა”და „ატალანტას” შეხვედრაში მონაწილეობას ვერ მიიღებს, რაც „აძურის” გულშემატკივართათვის დიდი დარტყმაა — მატჩს ჩემპიონთა ლიგაში მოხვედრისთვის დიდი მნიშვნელობა აქვს. სამაგიეროდ, calciomercato-მ დაწერა, რომ კლუბის პრეზიდენტმა აურელიო დე ლაურენტისმა და კვარაცხელიას მხარემ კონტრაქტის განახლებასთან დაკავშირებით პრინციპულ შეთანხმებას მიაღწიეს. ახლა ნეაპოლელ ტიფოზებს შეუძლიათ გული საგულეს ჰქონდეთ — ქართველი გარემარბი „მარადონაზე” დარჩება და მომავლის გუნდის…

ჩემთვის ყველაფერი ნათელია: გასაყიდი აქტივების სიაში მამარდაშვილი ბოლო ადგილზე მყავს. კარგად ვიცი კლუბის მეპატრონეთა განზრახვებიც, ქართველის ფასიცა და კლუბის საჭიროებანიც, მაგრამ ოღონდ სპორტული თვალსაზრისით მთავარი ფეხბურთელი (ემოციურად მთავარი გაიაა) შევინარჩუნოთ და მე პირადად სულ ალტერნატივათა ძებნაში ვიქნებოდი. ფაქტია, რომ რუბენ ბარახას მიერ გაწეული შრომა გარდა იმისა, რომ მოედანს ეტყობა, ქმნის სასურველ მემკვიდრეობას, რომელიც მომავალში ფულს…

საქართველოს ნაკრებიდან ნეაპოლში დაბრუნებული ხვიჩა კვარაცხელია პინეტა გრანდე ჰოსპიტალში გამოკვლევებზე მიიყვანეს. ოფიციალური დასკვნა ასეთია: შემაერთებელი კუნთის ძლიერი კონტრაქტურა მარცხენა ფეხზე. შედეგად, გარემარბს გუნდთან ერთად ჯერ არ უვარჯიშია, ის დარბაზში დაიტვირთა და თერაპიული მკურნალობა უტარდებოდა. რას ნიშნავს კონტრაქტურა? ეს არის კუნთის ხანგრძლივი, ტონური, უნებლიე შეკუმშვა, რაც იწვევს სახსრის მოძრაობის მეტნაკლებ (ნაწილობრივ) შეზღუდვას, უმთავრესად სახსარში ან მის…

პორტუგალიელმა სპეციალისტმა ჟოზე მოურინიუმ კარიერის განმავლობაში სხვადასხვა კლუბში მწვრთნელის როლზე ისაუბრა. „მე ყოველთვის მწვრთნელზე მეტი ვიქნები. ზოგ კლუბში მწვრთნელი ხარ, ზოგში მწვრთნელი, ტექნიკური დირექტორი, კომუნიკაციების დირექტორი, იმიჯმეიკერი, კლუბს და ფეხბურთელებს იცავ… მწვრთნელობა მირჩევნია. მწვრთნელი ვიყავი „ინტერში“, „რეალში“, „ჩელსიში“, „პორტუში“. არ ვყოფილვარ მწვრთნელი ზოგიერთ სხვა კლუბში“, – ამბობს მოურინიუ. პორტუგალიელის ბოლო კლუბი „რომა“ გახლდათ, რომელიც მან…

გერმანიის ნაკრების მწვრთნელმა იულიან ნაგელსმანმა თქვა, აპირებს თუ არა ეროვნული გუნდის შემადგენლობის რადიკალურად შეცვლას ევრო 2024-ზე, რომელიც გერმანიაში გაიმართება. „თუ ყველა ფორმაში იქნება, მაშინ ზაფხულში გუნდში დიდ ცვლილებებს არ განვახორციელებთ. არც 10 და არც ხუთი ცვლილება იგეგმება. შეიძლება მხოლოდ ერთი ან ორი მოთამაშე დაგვემატოს. ვინც ახლა ჩვენთან არ არის, ოღონდ ისინი სხვებზე უკეთესები უნდა იყვნენ“,…

სანამ ქართველი გულშემატკივარი ნაკრების ევრო-შესარჩევი თამაშებით იყო გატაცებული და ისტორიაში პირველად დიდ შეჯიბრებაში გასვლას ზეიმობდა, ნეაპოლში, თუმცა არა მხოლოდ ნეაპოლში, არამედ მთელს იტალიაში, ჟუან ჟესუსისა და ფრანჩესკო აჩერბის საქმეს არჩევდნენ. მოგეხსენებათ, „ინტერისა” და „ნაპოლის” შეხვედრაში მილანელმა ფეხბურთელმა აჩერბიმ „აძურის” ბრაზილიელ მცველ ჟუან ჟესუსს „ნიგერი” უწოდა, რასაც დიდი სკანდალი მოჰყვა. საქმე სპორტულმა სასამართლომ გაარჩია, მაგრამ მოსამართლის…

27 მარტი დიდი სიხარული დღე იყო. დიახ, 27 მარტი. 26 – ში გვარიანად ვინერვიულეთ და როცა საათის ისარი 12-ს გადასცდა, ის ბედნიერებაც გვეწვია, რასაც მთელი საქართველოს 30 წელიწადზე მეტხანს ელოდა – საქართველოს ნაკრების ევროპის ჩემპიონატზე გავიდა… ამ დიდი სიხარულის მოწმე კი სხვებთან ერთად „სარბიელის“ ფოტორეპორტიორი გიორგი ჯიქია გახლდათ, რომლის ობიექტიმა დააფიქსირა კიდეც ეს გემრიელი ნამუშევრები:

საოცარი ტრადიცია აქვს ევროპის ჩემპიონატს: ყოველი ახალი გათამაშების ფინალურ ეტპაზე ერთი დებიუტანტი მაინც ჰყავს. 2024 წლის ევრო ისტორიაში მეჩვიდმეტეა და მისი დებიუტანტი გახლავთ საქართველოს ნაკრები. პირველი კონტიტნეტური ჩემპიონატი 1960 წელს ჩატარდა. მასში სულ ოთხმა გუნდმა მიიღო მონაწილეობა და ცხადია ის შეჯიბრება ოთხივესთვის სადებიუტო იყო. წუხელ, პენალტებში საბერძნეთის ნაკრების დამარცხების შემდეგ საქართველო გახდა 35-ე გუნდი, რომელიც…

საქართველოს ნაკრებმა ევრო 2024-ის საკვალიფიკაციო ეტაპის ფლეი-ოფის ფინალში, პენალტების სერიაში საბერძნეთის ეროვნულ გუნდს 4:2 მოუგო (ძირითადი და დამატებითი დრო — 0:0) და ევროპის ჩემპიონატის ფინალურ ეტაპზე ისტორიაში პირველად ითამაშებს… პენალტების სერიას ორი გმირი ჰყავდა. გიორგი მამარდაშვილი, რომელმაც ბაკასეტასს აუღო თერთმეტმეტრიანი და ნიკა კვეკვესკირი, რომელმაც გამარჯვების პენალტი შეაგდო. თუმცა არც სხვებს დაუზოგავთ თავი, იბრძოლეს, იომეს და…

– დილა მშვიდობისა, მეტ! – დილა მშვიდობისა, სერ! – როგორ ხარ, მეტ? ფინჯანი ყავა? – სიამოვნებით, სერ! – აი, მიირთვი. – გმადლობთ, სერ! – ახალი რა ხდება ქვეყანაზე? – ყველაფერი ძველებურად არის, სერ. რუსეთი უკრაინას ეომება, ისრაელი – პალესტინას, სომხეთი – აზერბაიჯანს, თურქეთი კი ყველას ეომება, მაგრამ ბრძოლებში არ ერთვება… – ოოო, ძალიან მოსაწყენია უკვე…

„ატალანტა” გასაჭირშია — სანაკრებო კვირაში ჰოლანდიელი ტეუნ კოოპმაინერსის შემდეგ ბელგიელი შემტევი ნახევარმცველი შარლ დე კეტელარიც დაუშავდა. ეს ბერგამოელებს შესაძლოა ძვირად დაუჯდეთ, რადგან შაბათს სერია A-ს მნიშვნელოვანი შეხვედრა ელით „ნაპოლისთან”. „ატალანტა” 47 ქულით მე-6 ადგილზეა, ხოლო „აძური” 45 ქულით მეშვიდეზეა. ისინი მომავალ სეზონში ევროთასებზე გამსვლელი ადგილისთვის ეცილებიან ერთმანეთს. დე კეტელარი ბელგიელთა ბანაკიდან იტალიაში დაბრუნდა და გამოკვლევა…

თბილისში, სადაც ჩვენი ეროვნული გუნდის მისია უნდა აღსრულდეს, და არა მარტო თბილისში, არამედ არანორმალურად ლამაზი საქართველოს ყველა კუთხეში ყველა სამშაბათის თამაშზე ფიქრობს. ქართველები დარწმუნებულები არიან, რომ ისინი ამ შეხვედრას არ წააგებენ და მარჩინიაკის საფინალო სასტვენის შემდეგ ევრო 2024-ის ფინალურ ეტაპზე სწორედ მათი გუნდი გავა. ეს საბერძნეთისთვის აუტანელი სტრესია, არა? ან იქნებ პირიქითაა და ის, რაც…

საფრანგეთის ჩემპიონატის ტოპ 14-ში მე-19 ტურის 7 მატჩი შედგა და სასიხარულოა, რომ ქართველთა გარეშე არცერთ მათგანს ჩაუვლია. მთლიანობაში გასულ უქმეებზე 14-მა ჩვენებურმა ითამაშა, რაც ნამდვილად არაა ურიგო რიცხვი. ლიდერის პოზიციაზე დედაქალაქური „სტად ფრანსე“ დაბრუნდა, რომელმაც „ლიონს“ უმასპინძლა და 22:13 იმარჯვა. შეხვედრა „ჟან ბუენზე“ შედგა, ასე რომ სტუმართა ბორჯღალოსან უკანახაზელ დავით ნინიაშვილს ამ არენაზე ზედიზედ მეორე…

მადრიდის „რეალის“ ყოფილმა მწვრთნელმა ზინედინ ზიდანმა მადრიდელთა ინგლისელი ნახევარმცველის, ჯუდ ბელინგემის თამაში შეაფასა. „ჯუდი საოცარი, განსაკუთრებული ფეხბურთელია და ჩვენ გაგვიმართლა, რომ ის „რეალში“ გვყავს. ძალიან კარგია. ვიმედოვნებ ბელინგემი ბევრ ტიტულს მოუტანს გუნდს“, – თქვა ზიდანმა. 20 წლის ბელინგემი მადრიდის „რეალს“ 2023 წლის ზაფხულში შეუერთდა. მიმდინარე სეზონში ნახევარმცველმა მადრიდელების შემადგენლობაში 31 მატჩი ჩაატარა ყველა ტურნირზე, 20…

საქართველოს ეროვნული საფეხბურთო ნაკრების მთავარმა მწვრთნელმა, ვილი სანიოლმა საბერძნეთთან ევრო 2024-ის პლეი ოფის ფინალამდე ჟურნალისტების კითხვებს უპასუხა და გუნდის მზადყოფნაზე ისაუბრა. „წინა მატჩისგან განსხვავებით, ახლა აღდგენებისთვის მეტი დრო მოგვეცა. ლუქსემბურგის შემდეგ 26-ივე მოთამაშე მზად არის. დაგვრჩა ბოლო ვარჯიში. მეტოქეზე არ ვისაუბარებ, მირჩევნია, ყურადღება საკუთარ გუნდზე გავამახვილოთ. როდესაც გავიგეთ, რომ საბერძნეთს ვეთამაშებოდით, ვიცოდით, რომ რთული თამაში…

არგენტინის თასის ოცდამეთორმეტედფინალში „ბოკა ხუნიორსმა” „სენტრალ ნორტეს” 3:0 მოუგო და ამ შეხვედრაში ორი გოლით თავი „ნაპოლის” ყოფილმა თავდასხმელმა, შემდეგ კი „ვალენსიაში” გიორგი მამარდაშვილის თანაგუნდელმა, 37 წლის ურუგვაელმა ედინსონ კავანიმ გამოიჩინა. ხოლო თუ ვინმეს ჰგონია, რომ თასის ოცდამეთორმეტედფინალი გამორჩევით აღნიშვნისთვის მეტისმეტად ადრეული ეტაპია და იქ გატანილ გოლისთვის დროის დათმობა არც ღირს, არგენტინელი ტელეკომენტატირის ღრიალს მოუსმინოს. ედინსონ…

ვინ არის საბერძნეთის ნაკრების ცენტრალური თავდამსხმელი? ევრო 2024-ის შესარჩევი ფლეი-ოფის ნახევარფინალში, ყაზახეთის ნაკრების წინააღმდეგ ამ პოზიციაზე სასტარტო შემადგენლობაში 24 წლის ფოტის იოანიდისმა ითამაშა და ერთი გოლი გაიტანა. შეგახსენებთ, რომ ბერძნებმა მოიგეს 5:0. იოანიდისს flashscore-მა 7.5 ქულა დაუწერა. „პანათინაიკოსის” 24 წლის თავდამსხმელმა, რომლის საბაზრო ღირებულება 10 მილიონი ევროა, მოედანზე 63 წუთი დაჰყო, შემდეგ კი ის პაოკ-ის…

თბილისის გრანდ სლემის ბოლო დღეს ჩვენმა ძიუდოისტებმა მონაგარს ორ ოქროსთან ერთად ერთი ბრინჯაოც შემატეს და საბოლოოდ, საშინაო გრანდ სლემი 4 ოქროსა და 1 ბრინჯაოს მედლით დაასრულეს. ოლიმპიურმა ჩემპიონმა ლაშა ბექაური (90კგ.) პირველ წრეში თავისუფალი იყო, შემდეგ კი მეტოქეების რბევას შეუდგა და არანაირი შანსი არ დაუტოვა. ჯერ აზერბაიჯანელი ვუგარ ტალიბოვი დაამარცხა, შემდეგ ამერიკელ ჯონ იაინს სძლია,…

საქართველოსა და საბერძნეთის ნაკრებთა მატჩს პოლონელ მსაჯთა ბრიგადა მოემსახურება. არბიტრი გახლავთ შიმონ მარცინიაკი – ბოლო მსოფლიო ჩემპიონატის ფინალური მატჩის მსაჯი,  რომელიც ამ საქმეში 2009 წლიდანაა, ფიფა-ს რეფერი კი 2011 წელს გახდა. 43 წლისაა და ბიზნესმენია. სხვათა შორის, სწორედ მარცინიაკმა იმსაჯა საბერძნეთი-საქართველოს საკვალიფიკაციო მატჩი 2021 წლის 31 მარტს, რომელიც 1:1 დასრულდა. იმ თამაშში პოლონელმა 7 ფეხბურთელს უჩვენა…

ფრანჩესკო კალცონას სლოვაკეთის ნაკრებმა შინ, ბრატისლავაში, ავსტრიასთან ამხანაგური შეხვედრა წააგო – 0:2. ანგარიში პირველივე წუთზე „ლაიფციგის” კრისტოფ ბაუმგარტნერმა გახსნა, 82-ე წუთზე კი „ვესტ ბრომვიჩის” ანდრეას ვაიმანმა შეაგდო მეორე გოლი. ეს გახლდათ კალცონას მეოთხე მარცხი სლოვაკეთის ეროვნული გუნდის თავკაცის რანგში. „ნაპოლის” მწვრთნელმა სლოვაკეთის ნაკრები 2022 წლის სექტემბერში ჩაიბარა და გუნდი ევრო 2024-ზე ყოველგვარი ფლეი-ოფის გარეშე, პირდაპირ…

საბერძნეთის ეროვნული გუნდი თბილისში საქართველოს ნაკრებთან დაპირისპირებისთვის ემზადება. ამ შეხვედრას ბერძნული პრესა ათწლეულის მატჩს უწოდებს. მისი გამარჯვებული ევრო 2024-ის ფინალურ ეტაპზე მოხვდება. საქართველომდე კი ბერძნებს ჰქონდათ ნახევარფინალი ყაზახეთთან, რომელიც შთამბეჭდავად მოიგეს – 5:0. ეს შეხვედრა საბერძნეთის გუნდმა მეტად ეფექტურად ჩაატარა, თუმცა საიტი sport24 მაინც გამოარჩევს ერთ ფეხბურთელს — „ოლიმპიაკოსის” 30 წლის მარჯვენა ნახევარმცველ-გარემარბ გიორგიოს მასურასს….

თბილისის „დინამოს“ წყალბურთელთა გუნდმა ჩემპიონთა ლიგიდან ევროპის თასზე გადაინაცვლა და იქაც დამარცხდა. „დინამომ“ მეოთხედფინალში ხორვატულ „პრიმორიეს“ უმასპინძლა და 15:20 დათმო. არადა, „დინამოს“ სტუმრად 7:8 ჰქონდა წაგებული და იმედი გვქონდა, რომ ამ მინიმალურ ჩამორჩენას თბილისში აღმოფხვრიდა. ასე არ მოხდა. იყო მომენტი, როდესაც 3:2 დავწინაურდით, მაგრამ ეს მაქსიმუმი გამოდგა. „დინამომ“ პირველი მეოთხედი 4:6 წააგო და მას შემდეგ…

თბილისის გრანდ სლემზე ორი საშეჯიბრო დღე მიილია და ქართველ ძიუდოისტთა მონაგარი ორი ოქროს მედალია. 73 კილოგრამამდე წონით კატეგორიაში ლაშა შავდათუაშვილმა პირველ წრეში გერმანელი იგორ ვანდტკე დაამარცხა, შემდეგ ირლანდია ჯოშუა გრინს სძლია, მეოთხედფინალში სამხრეთკორეელი კანგს იპონით აჯობა, ხოლო ნახევარფინალში ებრაელ ტოჰალ ბუტბულს მოუგო. ფინალში ჩვენებურის მეტოქე ნეიტრალური დროშის ქვეშ მოასპარეზე კარენ გალსტიანი იყო, ვისაც 32 წამში…

რადიო „პუნტო ნუოვოს” სპორტულ გადაცემას Tuttomercatoweb-ის დირექტორი, ჟურნალისტი ნიკოლო ჩეკარინი ესტიმრა, რომელმაც „ნაპოლისა” და მის მომავალზე ილაპარაკა. ჩვენთვის ყველაზე საინტერესოა, თუ რა თქვა მან ხვიჩა კვარაცხელიას შესახებ. …„ნაპოლი” კვარაცხელიას „გამომწყვდევას” შეეცდება, მაგრამ ზღვარგადასული წინადადებებისთვის უნდა იყოს მზად. ძნელია ფეხბურთელის შენარჩუნება, როდესაც კლუბი და თავად მოთამაშე დიდძალი ფულის წინაშე დგებიან. თუმცა დე ლაურენტისის მთავარი ამოცანა, რასაკვირველია…

საბერძნეთის ნაკრებმა ევრო 2024-ის ფინალური ეტაპის გზაზე, შესარჩევი ტურნირის ნახევარფინალში ყაზახეთს 5:0 მოუგო და 26 მარტს თბილისში საქართველოს ნაკრებთან ფინალს თამაშობს. ყაზახებთან შთამბეჭდავმა გამარჯვებამ მთელი საბერძნეთი ოპტიმიზმით აღავსო. როგორც sport24 წერს, 22 მარტს, განმუხტვისა და დასვენების მიზნით ნაკრების ფეხბურთელებმა და თანამშრომლებმა რამდენიმე საათი ათენის ცენტრში, ერთ-ერთ ცნობილ რესტორანში გაატარეს. ეს იყო სადილი შესარჩევი შეჯიბრების ვნებათაღელვასთან…

ლუქსემბურგი დაამარცხე, ბუდუ? ორი გოლი გაუტანე? აღფრთოვანების ღირსი მონდომებით და ოსტატობით ითამაშე? მანამდე ძელსაც გაარტყი? კიდევ ერთი გოლი არ ჩაგითვალეს? ორთაბრძოლებს იგებდი, მოპოვებულ ბურთს წამოწეულ თანაგუნდელებს ახვედრებდი, რბილ პასებს აყოლებდი ზონაში. ვიცი, რომ გუნდურ სახეობაში ერთი კაცი არ იგებს, მაგრამ ამ დღეს ჩემთვის მთავარი შენ იყავი. უცხოელებმა დაწერეს, კვარაცხელიას არყოფნაში ზივზივაძემ ლიდერობა გასწიაო. ყველა თავისებურად…

გერმანიამდე ერთი ნაბიჯი დარჩა! საბერძნეთის ძლევაც და ნაინანატრი ოცნებაც ახდება – საქართველოს ეროვნული გუნდი ევროპის ჩემპიონტზე ითამაშებს. გიორგი ჯიქია, „სარბიელის“ ფოტორეპორტიორი, ლუქსემბურგთან ისტორიულ შეხვედრას მოედნის კიდედან უცქერდა და ეს ფოტოებიც მისი შემოქმედებაა:  

ევრო 2024-ის შესარჩევი ფლეი-ოფის მეორე ნახევარფინალში საბერძნეთის ნაკრებმა ყაზახეთს 5:0 მოუგო და 26 მარტს თბილისში საქართველოს ნაკრებთან ფინალის სათამაშოდ ჩამოდის. გთავაზობთ ამონარიდებს ბერძნული საიტის sport24-ის წერილიდან, რომელსაც ჰქვია „შეუპოვარ თაობას ცოდვათა გამოსყიდვამდე ერთი თამაშიღა დარჩა”. „საბერძნეთის ნაკრებმა შეძლო ყაზახეთთან სამკვდრო-საციცოცხლო შეხვედრა საზეიმო წვეულებად ექცია და ახლა საქართველოსთან „ფინალს” ელოდება. შეხვედრას, რომელიც მას ათწლიანი შესვენების შემდეგ…

საქართველოს ნაკრებმა თავის ისტორიაში ერთ-ერთი უმნიშვნელოვანესი მატჩი მოიგო — ევრო 2024-ის შესარჩევ ფლეი-ოფის ნახევარფინალში ლუქსემბურგი 2:0 დაამარცხა და ახლა ფინალში საბერძნეთი-ყაზახეთის გამარჯვებულს დაელოდება. წინ გერმანიის საგზურია. შეხვედრის გმირი გერმანული „კარლსრუეს“ შემტევი ბუდუ ზივზივაძე გახდა. ბუდუმ დუბლი შეასრულა. კარგი იყო ჩაკვეტაძე, მამარდაშვილი, ქოჩორაშვილი… მთავარია, წვიმიან „დინამო არენაზე” ფანტასტიკური ატმოსფერო სუფევდა. მთელი შეხვედრის განმავლობაში მაყურებელი არ გაჩერებულა….

თუკი ბოლო წლის განმავლობაში ესპანეთში ვინმემ სკანდალური პოპულარობა მოიპოვა, ეს ქვეყნის ფეხბურთის ფედერაციის ყოფილი პრეზიდენტი ლუის რუბიალესია. შემოდგომაზე ის თანამდებობიდან გადადგა. მიზეზი: ფეხბურთელ ქალს ჯენი ერმოსოს დაჯილდოების ცერემონიალზე ტუჩებში აკოცა, მაგრამ ეს არაფერი — ახლა რუბიალესი კიდევ უფრო დიდ შარშია. მას ფულის არალეგალურად შოვნაში სდებენ ბრალს. ოთხშაბათს, რუბიალესს დასაჭერად მიადგნენ, მაგრამ ეჭვმიტანილი ვერ მოიხელთეს —…

არგენტინელი ფეხბურთელისთვის, რომელიც მარადონაზე ფილმების ცქერით გაიზარდა, „ნაპოლიზე” უკეთესი კლუბი არ არსებობს. ჯოვანი სიმეონესთვის, რომელმაც გასულ სეზონში ლურჯი მაისურით რამდენიმე გოლი გაიტანა და სკუდეტო მოიგო, რაც „პარტენოპეელებს” მარადონას მერე არ გაუკეთებიათ, ეს ორმაგად მნიშვნელოვანია, მაგრამ აი დადგა ახლანდელი სეზონი და აღმოჩნდა, რომ „ჩოლიტო” სათადარიგო ფეხბურთელია, რომელიც მეტწილად სკამზე ზის და გოლები ვეღარ გააქვს: ყველა შეჯიბრებაში…

„ინტერს” იტალიაში ყველაზე ძვირადღირებული გუნდი ჰყავს. სერია A-ში სიმონე ინძაგის ფეხბურთელებს სატრანსფერო ფასით ვერავინ შეედრება. მონაცემთა ბოლო განახლების დროს Transfermarkt-მა დაწერა, რომ წინა დათვლასთან შედარებით „შავ-ლურჯების” ჯამურმა ფასმა არც მეტი-არც ნაკლები 33,5 მილიონი ევროთი მოიმატა. ახლა „ნტერის” მოთამაშეთა ღირებულება 622,35 მილიონი ევროა. შედარებისთვის: ინტერელთა თანაქალაქელი „მილანი” 100 მილიონი ევროთი ნაკლები ღირს. როდესაც „ნერაძურიზე” ვლაპარაკობთ, აუცილებლად…

ბელგიის ნაკრების ყოფილმა ვარსკვლავმა, ედენ აზარმა კარიერაში თავის საუკეთესო მოგონებაზე ისაუბრა. „ეს იყო ჩემი ოცნება. მიუხედავად იმისა, რომ ისტორია ტრავმების გამო არც თუ ისე დიდხანს გაგრძელდა. როდესაც ვიხსენებ და ვხედავ ჩემს სურათებს, სადაც მადრიდის „რეალის“ თეთრი მაისურა მეცვა, ვამაყობ. რაც შეეხება „ჩელსის“, იქ შვიდი წელი გავატარე. ეს ჩემი საფეხბურთო კარიერის საუკეთესო მოგონებაა“, – სევდიანად ამბობს…

როცა იტალიელს უნდა თქვას „ღმერთო ჩემო“, იტყვის – „მადონა“. იქ მარიამ ღვთისმშობელს ყველაზე მეტს უგებენ და მას ყველაზე მეტჯერ ახსენებენ. ამ ქვეყანაში ბევრი მადონაა, ფლორენციაში მთავარ ტაძარს სანტა მარია დელ ფიორე ჰქვია, ქალწული მარიამის საპატივსაცემოდ; იქ არის სანტა მარია ნოველაც; რომში – სანტა მარია მაჯორე. როგორც ჩემმა მეგობარმა იხუმრა – იტალიელებს სულ სანტა მარია გაგა…

საქართველოს ნაკრებმა ლუქსემბურგთან ევრო 2024-ის პლეი ოფის ნახევარფინალურ მატჩამდე საგურამოში ივარჯიშა, რომლის დაწყებამდე ნაკრების მწვრთნელმა, ვილი სანიოლმა ჟურნალისტების კითხვებს უპასუხა. „გუნდში სულისკვეთება ძალიან მნიშვნელოვანია, ამის გარეშე ვერაფერს მივაღწევთ. ფეხბურელებს ვესაუბრე და ავუხსენი, რომ კონცენტრაციაა საჭირო. ასევე მნიშვნელოვანია გონივრულად ვითამაშოთ და ხარისხიანი ფეხბურთი ვაჩვენოთ. მოსამზადებლად მცირე დრო გვქონდა, გვაქვს ჩვენი გეგმა, მაგრამ არაფერი განსაკუთღებული არ მოგვიფიქრებია,…

„ნაპოლის” ფეხბურთელი სტანისლავ ლობოტკა სლოვაკეთის 2023 წლის საუკეთესო ფეხბურთელად დაასახელეს. ნახევარმცველმა ქვეყნის ფეხბურთის ფედერაციის პრიზი მიიღო და ამ მოვლენისადმი მიძღვნილ ინტერვიუში თქვა: „ამ სიხარულის აღწერა შეუძლებელია. ბედნიერი ვარ ეს ჯილდო რომ მივიღე. მან დამატებითი სტიმული მომანიჭა”. შემდეგ ლობოტკას გასული წელი გაახსენეს და თავი ნაკრების ყოფილ კაპიტანთან მარეკ ჰამშიკთან შეადარებინეს. „ჰამშეკს რვა ტიტული აქვს მოგებული, მაგრამ…

„ვილიარეალთან” შეხვედრაში „ვალენსიას” კარში პენალტი დაინიშნა. ხოსე გაიამ ბერტრანდ ტრაორე წააქცია და ფიგეროა ვასკესმა ალექს ბაენა თერთმეტმეტრიანის ნიშნულთან დააყენა. ამ ორი გუნდის შეხვედრაში ბოლო ოთხი მოგერიებული პენალტი „ღამურების” მეკარეებზე მოდის. ამჯერად, სანტიაგო კანისარესის, ვისენტე ხუაიტას და ჯასპერ სილესენის მსგავსად დარტყმის მიმართულება გიორგი მამარდაშვილმა გამოიცნო. და ქართველმა მის შესახებ კიდევ ერთ კამათს დაუსვა წერტილი — დამტკიცდა,…

„რომას”, „ლაციოს” „ტორინოს”, „ნაპოლისა” და „იუვენტუსის” ყოფილ აღმასრულებელ დირექტორს, იტალიური და მსოფლიო ფეხბურთის ცნობილ ადმინისტრატორს, კვაჭსა და საქმოსანს, 87 წლის ლუჩანო მოჯის Televomero ელაპარაკა. „ინტერისა” და „ნაპოლის” ბოლო ტურის შეხვედრაზე (1:1) მან ასე თქვა: „ნეაპოლელებმა არაფრისმთქმელი ფეხბურთი გვაჩვენეს. ეს იყო იმ ორი გუნდის დაპირისპირება, რომელთაც ამ დღეს საუკეთესო თამაში ვერ შემოგვთავაზეს. ორივეს ჩემპიონთა ლიგის შეხვედრა…

ფეხბურთში მნიშვნელოვან ცვლილებაზე ფიქრობენ: ფიფასა და თამაშის წესებზე პასუხისმგებელ ორგანიზაცია IFAB-ს თამაშგარე მდგომარეობის გადასხვაფერება დასჯდომიათ ჭკუაში. იდეა ლეგენდარულ არსენ ვენგერს ეკუთვნის და მიზნად შეტევის წახალისებას ისახავს. ვენგერსა და მის მხარდამჭერებს უნდათ, რომ ფეხბურთი უფრო უხვგოლიანი და სანახაობრივი გახდეს. კერძოდ, მოსაზრება ასეთია: თანამსაჯმა ალამი მხოლოდ იმ შემთხვევაში აწიოს, თუ შემტევი ფეხბურთელის სხეული მცველის სხეულზე მთლიანად წინ…

რა გადახდა მსოფლიო ჩემპიონს, იოსებ კობერიძეს, რომელსაც არაერთი ჩემპიონი აღუზრდია?! (მათ შორის M-1 ვერსიით ევროპისა და მსოფლიო ჩემპიონიც, აწ განსვენებული გურამ გუგენიშვილი). ყველასთვის ცნობილი იოსებ კობერიძე, რომელიც ორთაბრძოლების ფედერაციის პრეზიდენტი და მსოფლიო ჩემპიონი გახლავთ, ვაკის სავარჯიშო დარბაზში დიდი ხანი ავარჯიშებდა მებრძოლებს და მეტიც, წლების წინ, როცა მსოფლიოში იხვეჭდა სახელს, თავადაც ამ დარბაზში ღვრიდა ოფლს. ის…

საქართველოს ნაკრები ლუქსემბურგთან მატჩისთვის მზადებას განაგრძობს. 19 მარტს, ვილი სანიოლის გუნდმა საგურამოს საწვრთნელ ბაზაზე სრული შემადგენლობით ივარჯიშა. გუნდთან ერთად ივარჯიშეს წუხელ ჩამოსულებმა – გიორგი მამარდაშვილმა, გიორგი გველესიანმა, ოთარ კიტეიშვილმა, გიორგი მიქაუტაძემ და ხვიჩა კვარაცხელიამ. 20 მარტს, „ჯვაროსნები“ მატჩისწინა ვარჯიშს საგურამოში გამართავენ. ვარჯიშის დაწყებამდე, ვილი სანიოლი პრესკონფერენციას გამართავს. გიორგი ქოჩორაშვილი შეკრება 18 მარტიდან დავიწყეთ. მიხარია, რომ…

საქართველოს ნაკრები შეიკრიბა და ლუქსემბურგთან ევრო 2024-ის პლეი ოფის ნახევარფინალისთვის  მზადება დაიწყო. ეროვნული გუნდის მთავარმა მწვრთნელმა, ვილი სანიოლმა მოახლოებული მატჩებითვის 26 ფეხბურთელი გამოიძახა. ნაკრები საგურამოში, სასტუმრო „სევსამორაში“ დაბინავდა და „ლოკომოტივის“ საწვრთნელ ბაზაზე ვარჯიშობს. გუნდი ჯერ არასრული შემადგენლობით ემზადება. საქართველოს ნაკრებში 2-წლიანი პაუზის შემდეგ დაბრუნდა 38 წლის (18 მარტს გახდა) ნახევარმცველი ჯაბა კანკავა. საქართველო – ლუქსემბურგის…

მატეუ ლაოსი, ერნანდეს ერნანდესი, ხილ მანსანო… რა აქვთ საერთო ამ ესპანელ მსაჯებს? ან რით ჰგვანან ისინი ძველ არბიტრებს იტურალდე გონსალესს, დიას ვეგას ან უნდიანო მალენკოს? მიხვედრა ძნელი არ არის — ორი გვარით. და რატომ აქვთ ესპანელ მსაჯებს ორი გვარი? კი ბატონო, ესპანელებს დედისა და მამის გვარის ერთად ტარება ახასიათებთ, მაგრამ მაშინ საკითხი ასე შემოვატრიალოთ: ფეხბურთელებს…

„ინტერისა” და „ნაპოლის” კვირის შეხვედრას (1:1) სკანდალი მოჰყვა: ნეაპოლელთა მცველმა ჟუან ჟესუსმა მილანელ ფრანჩესკო აჩერბის რასისტულ შეურაცხყოფაში დასდო ბრალი, რის გამოც იტალიის ნაკრების თავკაცმა ლუჩანო სპალეტიმ ის ვენესუელასა და ეკვადორთან ამხანაგური შეხვედრებიდან მოკვეთა. მატჩები 21 და 24 მარტს აშშ-ში გაიმართება. ფეხბურთელს იტალიის ფეხბურთის ფედერაციისგან დისკვალიფიკაციაც ემუქრება. „ინტერმა” გამოაქვეყნა განცხადება, რომ ის თავადაც გაარკვევს, თუ რა…

„როდესაც ლონდონი და ბერლინი არ არსებობდა, პარიზი კი მწყემსებს საძოვრად გაეხადათ, რომს იმპერია ჰქონდა“ რომს რომოლუსი და რემუსი არ დაუკარგავს – მხოლოდ მეტამორფოზა განიცადეს. რომაელებს რომ ჰკითხო, ისინი გარიბალდის შვილები არიან – არა იმპერიის, არამედ იტალიის. ამას ამბობენ, თუმც ისევ „სციპიონის ჩაჩქანზე“ მღერიან (იტალიის ეროვნული ჰიმნი), რომლითად კვლავინდებურად შეიმოსებიან, რათა მტერს ისე გაუსწორდნენ, როგორც კართაგენსა…