იტალიელები მოუთმენლად ელიან ორშაბათს და ქვეყნის სუპერთასის ფინალს: „ნაპოლი” – „ინტერი”. ნახევარფინალებში „ნაპოლიმ” „ფიორენტინას” მოუგო 3:0, ხოლო „ინტერმა” იმავე ანგარიშით სძლია „ლაციოს”. „კორიერე დელო სპორტი” კი იუწყება, რომ უნგრული ბიუჯეტური ავიაკომპანია „ვიზეარი” ნახევარფინალების წინ იტალიის ქალაქებიდან რიადში თავისუფლად დაფრინავდა, საფინალედ კი რეისების დამატება დასჭირდა. სტანდარტულ გრაფიკს დაემატა ფრენები ნეაპოლიდან, მილანიდან და რომიდან.
„ვიზეარის” ოფისმა გაავრცელა განცხადება, სადაც წერია, რომ დამატებითი რეისები რიადის მიმართულებით დაინიშნა ორშაბათს, მატჩის დილას, 22 იანვარს, უკან დაბრუნების თარიღად კი განისაზღვრა მეორე დღე, 23 იანვარი. უკანა გზის საფასურში, რომელიც 199,99 ევრო ღირს, შევიდა მატჩის ბილეთიც. რასაკვირველია, ბილეთები მყისიერად გაიყიდა.
შეატყვეს რა მატჩისადმი გაზრდილი ინტერესი, საუდელებმა გადაწყვიტეს იტალიელ გულშემატკივრებს ქვეყანაში შესასვლელი ვიზის ფული არ გამოართვან.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
აქეთურ-იქითური22/11/2026 | 09:10არსენალს რაიას გარეშე გამოცდა ელის
აქეთურ-იქითური22/11/2026 | 08:09რა ბედი ეწევა მუსიალას 22 მილიონს?
მთავარი ამბავი22/11/2026 | 06:42დუეს ტრავმა მძიმე ჩანს
აქეთურ-იქითური21/11/2026 | 09:57რატომ არ უყვარდა ჰიტლერს ნუტელა?
