მოსაზრება: ნაპოლი ბრძნულად იქცევა კვარაცხელიას ხელფასს რომ არ უმატებს

Alvino on the renewal of Kvaratskhelia: "Napoli have done a brilliant thing" არის ასეთი იტალიელი ჟურნალისტი კარლო ალვინო, რომელიც რადიო Kiss Kiss Napoli-ში მუშაობს და ამბობს, რომ „ნაპოლი” ბრძნულად იქცევა ხვიჩა კვარაცხელიას ახალ კონტრაქტს რომ არ უფორმებს.

„სერია A-ს საუკეთესო ფეხბურთელთან კონტრაქტის ასეთ პირობებზე ჩაკეტვა ბრწყინვალე ნაბიჯია. კვარაცხელია მეტს იმსახურებს, მაგრამ აქ პირობებს „ნაპოლი” კარნახობს”, — თქვა ალვინომ.

იტალიელ ჟურნალისტს მიაჩნია, რომ ის, რასაც „ნაპოლი” კვარაცხელიას უკეთებს ბრძნული მენეჯმენტის მაგალითია.

„ფანები ასეთ მოქმედებას უნდა მიესალმონ, ნაცვლად იმისა, რომ სულ კრიტიკის განწყობაზე იყვნენ”, — დასძინა მან და გაიხსენა გაჭირვებაში მყოფი სხვა კლუბების მაგალითები:

„გამიგია, რომ ფინანსური პრობლემების გამო „სამპდორიამ” თავისი ლოგო გააქირავა. ასეთი რაღაცები შემაშფოთებელია. აქ, ნეაპოლში ეს ეტაპები გავლილი გვაქვს. კვარაცხელიასთან კონტრაქტის ასეთ თანხებზე გაფორმება გენიალურია. ხელშეკრულებას მხოლოდ აუცილებლობის შემთხვევაში განაახლებენ”.