საჩუქარი ჟელინსკისთვის

რალის ჩემპიონმა ფაბიო ჯანფიკომ თავის პოლონელ მეგობარს, „ნაპოლის” ნახევარმცველსა და სკუდეტოს მფლობელ პიოტრ ჟელინსკის „ფიატი 500″ აჩუქა. ლურჯ ავტომობილს ბამპერზე ფეხბურთელის გვარი აწერია. მანქანაზე დატანილია ჟელინსკის ნომერიც.

თავიდან მანქანა არკო ფელიჩეში, ჯაფინკოს სახელოსნოში მიიყვანეს, საიდანაც პოლონელმა ის კასტელ ვოლტურნოში, „ნაპოლის” ბაზაზე მიაგრიალა და თანაგუნდელებს აჩვენა. „აძურის” ფეხბურთელებმა „ფიატი” თავიანთი ხელმოწერებით დაამშვენეს.