ტატო გრიგალაშვილი მსოფლიოს ჩემპიონია!!!
81 კილოგრამამდე წონით კატეგორიაში მოჭიდავე ქართველმა დოჰაში მიმდინარე ძიუდოისტთა მსოფლიო ჩემპიონატზე ტიტული შეინარჩუნა.
ეს შეჯიბრების მეოთხე დღე იყო და ჩვენების პირველი ოქრო.
პირველობისკენ მიმავალ გზას ჩვენებური მაროკოელი აშრაფ მუტის დაიპონებით შეუყვა, შემდეგ ტაჯიკ შოდმონ რიზოევს აჯობა, მეოთხედფინალში ავსტრიელთა სახელით მოასპარეზე ვაჰიდ ბორჩაშვილს დამატებით დროში ვაზარით მოუგო, ნახევარფინალი ფანტასტიკურად იჭიდავა და კორეელი ლი ჯუნ-ჰვანი 35 წამში ორჯერ დააგდო.
ფინალში მეტოქედ ბელგიელი მატიას კასე ჰყავდა. გრიგალაშვილმა მეტოქეს ვაზარით აჯობა და მომავალ წელსაც წითელი არშიით იჭიდავებს.
შეგახსენებთ, რომ მიმდინარე მსოფლიოს ჩემპიონატზე გრიგალაშვილის გარდა საქართველოს მედალი გიორგი სარდალაშვილმა მოუტანა – ბრინჯაო.
ხვალ დოჰაში 90 კილოგრამამდე წონითი კატეგორიის დღე არის და ტატამზე ორი ქართველი გავა – ლაშა ბექაური და გიორგი მაისურაძე.
