დინამომ ვულიაგმენთან ვერ გაძლო

თბილისი წყალბურთის მსოფლიო ლიგის სუპერ ფინალს უმასპინძლებს | საინფორმაციო სააგენტო "ინტერპრესნიუსი" თბილისის „დინამოს“ წყალბურთელთა გუნდი ჩემპიონთა ლიგის მე-12 ტურში „ვულიაგმენს“ ოლიმპიკში დაუხვდა და სამი ქულა საბერძნეთში გაატანა – 9:14.

დეიან სტანოიევიჩის გუნდმა ჩავარდნებით ითამაშა. თუ დასაწყისში კარგი იყო და მეოთხედი 3:2 მოიგო, შესვენებამდე ინიციატივა მეტოქეს გადააბარა და 3:7 ჩამორჩა.

„დინამომ“ მესამე მეოთხედი მოიგო და ისიც 3:2. თითქოს შანსი გაჩნდა, მაგრამ დასკვნითი ნაწილი მასპინძლებმა ისევ ჩააგდეს და სოლიდური სხვაობით დამარცხდნენ.

„დინამოს“ 12 ტურის შემდეგ 2 მოგება აქვს და 6 ქულით 8-გუნდიან ჯგუფში მეშვიდე ადგილზეა. თბილისელებს მომდევნო მატჩი ისევ ბერძნულ გუნდთან, ბევრად უფრო ცნობილ და ტიტულოვან „ოლიმპიაკოსთან“ 13 მაისს, სტუმრად ელით.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 67