მილანში უხარიათ…

სანაკრებო პაუზის დროს „ნაპოლისთვის“ კარგი ამბავი ვერ მოხდა – ნიგერიის ნაკრების შეკრებიდან ნეაპოლელთა მთავარი დამრტყმელი ძალა ვიქტორ ოსიმენი ტრავმირებული დაბრუნდა და შესაძლოა, „მილანთან“ სამივე მატჩი (ერთი სერია A-ში, ორი ჩემპიონთა ლიგაში) გამოტოვოს.

ნიგერიელმა ფორვარდმა სანაკრებო შეკრების დროს კუნთი დაიზიანა, ტრავმის სიმძმე ზუსტად მომავალ კვირაში გახდება ცნობილი, როდესაც მას საფუძვლიანად გამოიკვლევენ, მანამდე კი ლუჩანო სპალეტის გუნდს მის გარეშე მოუწევს 2 აპრილს „მილანის“ წინააღმდეგ თამაში.

იტალიურ მედიაში გავრცელებული წინასწარი ვარაუდით, ოსიმენს 15-20 დღე დასჭირდება რეაბილიტაციისთვის, ეს კი ჩემპიონთა ლიგის მეოთხედფინალში (12 და 18 აპრილს) „მილანის“ წინააღმდეგ თამაშს დიდი კითხვის ნიშნის ქვეშ აყენებს, თუმცა ნეაპოლში იმედს არ კარგავენ, რომ ნიგერიელი გამოჯანმრთელებას მოასწრებს…

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...