არის, დინამომ მოიგო!

May be an image of 4 people, people playing sport and pool წყალბურთელთა ჩემპიონთა ლიგის მე-9 ტურში თბილისის „დინამომ“ ნანატრი გამარჯვება იზეიმა.

აქამდე უქულოდ და ბოლო ადგილზე მყოფმა დეიან სტანოიევიჩის შეგირდებმა სტუმრად „ჰანოვერი“ 10:8 დაამარცხეს. თითქოს „დინამო“ აქაც უქულოდ უნდა დარჩენილიყო – ტაიმის ბოლოს 4:8 ჩამორჩა, თუმცა დარჩენილ დროში ქართველმა წყალბურთელებმა მეტოქეს გოლი არ გაატანინეს, საპასუხოდ ექვსი შეაგდეს და გაიმარჯვეს კიდეც.

3-3 გოლი ბესო ახვლედიანმა და სტეფან პიეშივაცმა გაიტანეს, საბა ტყეშელაშვილმა დუბლი მიითვალა, თითოც გიორგი მაგრაქველიძემ და მაქსიმ მალიშაუმ შეაგდეს.

მოგების მიუხედავად „დინამო“ 3 ქულით ისევ ბოლო, მე-8 ადგილზეა, მაგრამ ქულებით „ჰანოვერს“ დაეწია. 22 მარტს „დინამო“ „რადნიჩკის“ უმასპინძლებს, რომელიც 9 ქულით ცხრილში მეექვსეა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...