ბენზემას რეკორდი ლივერპულში

მადრიდის „რეალის“ თავდამსხმელმა, ქარიმ ბენზემამ, ჩემპიონთა ლიგის პირველ მერვედფინალურ მატჩში „ლივერპულის“ წინააღმდეგ (5:2), დუბლი შეასრულა. მისთვის ეს პირველი გოლებია მიმდინარე გათამაშებაში.

მანამდე, ჯგუფურ ეტაპზე, ბენზემამ 4 შეხვედრაში ითამაშა, მაგრამ შედეგიანობით არ გამორჩეულა.

სტატისტიკურ-ანალიტიკური პორტალის, Opta-ს ცნობით, ფრანგმა ტურნირის ზედიზედ მე-18 სეზონში გაიტანა და ამით ლიონელ მესის რეკორდი გაიმეორა. ორივეს აქტივობა 2005-2006 წლების სეზონიდან იწყება.

„რეალი“ – „ლივერპულის” საპასუხო შეხვედრა სამი კვირის შემდეგ, 15 მარტს მადრიდში გაიმართება და თბილისის დროით ღამის 12 საათზე დაიწყება.

Convocatoria del Real Madrid ante el Liverpool | Real Madrid CF