ხორვატიამ რვას არ გაგვაკარა

უნგრეთის დედაქალაქ ბუდაპეშტში წყალბურთელთა მსოფლიო ჩემპიონატზე საქართველოს ნაკრები მერვედფინალში ხორვატიასთან 7:13 დამარცხდა და ბრძოლას 9-12 ადგილებისთვის გააგრძელებს.

13 გაშვებული გოლის მიუხედავად ისევ კარგად ითამაშეს ჩვენმა მეკარეებმა, მაგრამ თავდასხმაში ისევ ვერ ვივარგეთ. ბევრჯერ ვერ გამოვიყენეთ მეტობა, ერთხელ ორკაციანიც.

ხშირი იყო შეტევაში ჯარიმა და ამ ყველაფერმა მარცხამდე მიგვიყვანა. შესვენებამდე 4:7 ვაგებდით, მესამე მეოთხედში კი, გოლიც ვერ გავიტანეთ, 4:10 ჩამოვრჩით და მატჩის ბედიც დამთავრებამდე გადაწყდა.

ბოლო მეოთხედმა სულაც ფორმალურად ჩაიარა… თუ ვის შეხვდება დეიან სტანოევიჩის გუნდი 9-12 ადგილებისთვის ბრძოლაში, მოგვიანებით გაირკვევა.

May be an image of 1 person, playing a sport and pool

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...