შურისმაძიებელი: სანდრო ბაზაძე ევროპის ჩემპიონია!

თურქეთის ქალაქ ანთალიაში მიმდინარე მოფარიკავეთა ევროპის ჩემპიონატზე სანდრო ბაზაძემ ფინალში იტალიელი ლუკა კურატოლი 15:11 დაამარცხა და ოქროს მედალი ირგუნა. ეს სანდროსთვის პირველი ევროპული ოქროა.

ფინალამდე სანდრომ სამგზის ოლიმპიურ ჩემპიონ, უნგრელ არონ შილაგს 15:7 მოუგო და ოლიმპიადაზე მსაჯების მიკერძოების გამო განცდილი მარცხისთვის რევანში აიღო. სხვათა შორის, ეს ბრძოლა ნაადრევ ფინალად იქნა შეფასებული.

შილაგის შემდეგ სანდრომ გერმანელი მატიას საბოს 15:13 სძლია, რუმინელი რაზვან ურსაჩს 15:8 გაუსწორდა, ხოლო ნახევარფინალში ფრანგ ელიოტ ბიბის კიდევ უფრო იოლად მოუგო — 15:4.

ლუკა კურატოლიმ მეოთხედფინალში სანდროს ძმა, ბექა ბაზაძე დაგვიმარცხა – 15:11. ასე რომ, სანდრომ ძმისა და საქართველოს სახელით რევანში იაღო. ბექამაც კარგად იფარიკავა: ჯერ ბრიტანელი ბარნაბი ჰოლიველი (15:9) დაამარცხა, შემდეგ უკრაინელი იური ცაპი (15:11).

შეიძლება იყოს 2 ადამიანი, მდგომარე ადამიანები და შენობაში-(ი)ს გამოსახულება

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...