სამეფო თასის ფინალში მამარდას მეტოქე ცნობილია

„რეალ ბეტისმა” დრამატულ შეხვედრაში, ბოლოწამს გაუთანაბრა „რაიო ვალეკანოს” და ესპანეთის სამეფო თასის ფინალში გავიდა, სადაც გიორგი მამარდაშვილის „ვალენსიას” შეხვდება.

მანუელ პელეგრინის გუნდს პირველი შეხვედრა 2:1 ჰქონდა მოგებული, მაგრამ უპირატესობა კინაღამ ქარს გაატანა. „ბეტისმა” მე-80 წუთზე გაუშვა გოლი. ის ბებემ შორეული ლამაზი დარტყმით შეაგდო. „რაიოს” ფეხბურთელმა 35 მეტრიდან უწია მიზანს.

ყველა ელოდა, რომ თამაში დამატებით დროში გაგრძელდებოდა, მაგრამ 90+2 წუთზე ბორხა იგლესიასმა ბურთი მაინც გაიტანა მადრიდელების კარში.

ფინალი 23 აპრილს სევილიაში, „ლა კარტუხაზე” გაიმართება. „ლა კარტუხა” არც „ბეტისის” სტადიონია და არც „სევილიასი”.

Goal! 1:1. The ball rebounds to Borja Iglesias (Betis) after a melee in the box, and he easily beats the keeper from close range.