ფიფა-უეფას დუელი გრძელდება

როგორც ჩანს, ფიფასა და უეფას შორის დავა კიდევ გაგრძელდება. ბოლო პერიოდში ორივე მძლავრი ორგანიზაცია ერთმანეთის საწინააღმდეგო იდეებით გამოდიან.

ბოლო სიტყვა ფიფაზე იყო, რომელმაც უეფას მიერ ორიოდე დღის წინ გავრცელებულ ინფორმაციას, რომ ერთა ლიგაში სამხრეთამერიკული კლუბები ითამაშებენ, პასუხი გასცა.

პასუხი საკმაოდ მკვახეა და კატეგორიული – ფიფა სამხრეთ ამერიკულ ნაკრებებს ერთა ლიგაზე ასპარეზობის უფლებას არ მისცემს.

გავრცელებული ინფორმაციით, ფიფას ხელმძღვანელები იმდენად განრისხებული არიან, რომ გამორიცხული არაა, მსოფლიო ფეხბურთის მმართველი ორგანო სუპერლიგის მსგავსი ტურნირის ნაკრებებისთვის შექმნის იდეით გამოვიდეს.

ამ თემასთან დაკავშირებით უახლოეს პერიოდში ვირტუალური სამიტი გაიმართება, რომელსაც ფიფა უმასპინძლებს და საკუთარ პოზიციას გააჟღერებენ.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.