პედრი – 2026 – სარბიელი

„ბარსელონამ“ თავის ოფიციალურ ვებ-გვერდზე, ჭაბუკ საოცრებასთან, პედრისთან კონტრაქტის გახანგრძლივების შესახებ დაწერა. პედრი „კამპ ნოუზე“ 2026 წლამდე დარჩება. მის პოტენციურ მყიდველს კი 1 მილიარდი ევროს გაღება მოუწევს.

გასულ სეზონში პედრიმ ჯამში 73 მატჩი ჩაატარა და ახალი რეკორდი დაამყრა. აქამდე ამდენი ერთ სეზონში არასდროს არავის უთამაშია.

18 წლის პედრიმ ჯერ ევრო 2020-ზე გამოიჩინა თავი, ტურნირის საუკეთესო ახალგაზრდა ფეხბურთელი გახდა. შემდეგ კი ძალა ტოკიოს ოლიმპიადაზეც მოსინჯა და ვერცხლის მედალი ირგუნა.

See the source image

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.