მამარდაშვილი ძირითადის მეკარეა!

„ვალენსიამ“ „ალავესს“ 3:0 მოუგო. ხოსე ბორდალასის გუნდმა სამი ტურიდან ორში მოიგო, ერთში კი ფრედ ითამაშა. ამრიგად, „ღამურებს“ შესაძლო 9 ქულიდან 7 აქვთ, რასაც ჩემპიონატის შესანიშნავი სტარტი შეიძლება ვუწოდოთ. ესპანური პრესა აღნიშნავს, რომ ბორდალასმა სამიდან ორ შეხვედრაში თავის წინა გუნდს მოუგო, „ალავესსა“ და „ხეტაფეს“, თუმცა ჩვენთვის მნიშვნელოვანი ის არის, რომ მან კარში კვლავ გიორგი მამარდაშვილი ჩააყენა. როგორც AS წერს, მამარდაშვილი სასტარტო შემადგენლობის ფეხბურთელია და მორჩა!

„ვალენსიამ“ სტუმრებს აჯობა. ხსენებულ გაზეთს თუ დავესესხებით, მასპინძლები „ალავესს” ტაქტიკურადაც აღემატებოდნენ, სისწრაფითაც, ოსტატობითაც და თამაშის ინტენსიობითაც. ასეთ პირობებში რა არის გასაკვირი, რომ „ალავესის“ მეკარე ფერნანდო პაჩეკოს გაცილებით მეტი საქმე ჰქონდა, ვიდრე ქართველ გოლკიპერს, რომელსაც რეალურად ორ ეპიზოდში მოუხდა ჩართვა.

ქვემოთ გთავაზობთ, შეხვედრის ვიდეომიმოხილვას