ბათუმში ხალხს ნაკრები დაუმალეს

See the source image საკოორდინაციო საბჭოს სხდომაზე ქართველი გულშემატკივრებისთვის არცთუ სასიამოვნო გადაწყვეტილება მიიღეს. ქვეყანაში არსებული ეპიდემიოლოგიური სიტუაციის გამო 2 სექტემბერს, ბათუმში, მსოფლიოს ჩემპიონატის საკვალიფიკაციო ეტაპის მატჩი საქართველოსა და კოსოვოს ნაკრებებს შორის, უმაყურებელოდ გაიმართება.

ეს პირველი შემთხვევა არ არის, როდესაც ეროვნული გუნდი ცარიელი ტრიბუნების წინ ითამაშებს. პირველი სანაკრებო ბათუმის ახალ სტადიონზე და გულშემატკივართ მცირე იმედი ჰქონდათ, მაგრამ თამაშის ნახვა მხოლოდ ტელევიზიით შეეძლებათ.

თუმცა, რა ახალი სტადიონი და დასწრება, როდესაც ისტორიაში ყველაზე მნიშვნელოვანი თამაში, ჩრდილოეთ მაკედონიასთან უმაყურებლოდ ჩატარდა. ვინ იცის, გულშემატკივართა ქომაგობას იქნებ ევროპის ჩემპიონატის საგზურიც კი მოეტანა. ფეხბურთის ფედერაციის პრეზიდენტი რას აკეთებს, საერთოდ, გაუგებარია…

საქართველოს ნაკრები სექტემბრის დასაწყისში კიდევ ორ მატჩს გამართავს. კოსოვოს შემდეგ, 5 სექტემბერს, ბადახოსში, ესპანელებს ვეწვევით; 8 სექტემბერს კი ასევე სტუმრად, ამხანაგურად ბულგარეთს ვეთამაშებით. ისე, ბოლო დროს საქართველოს ნაკრები ამხანაგურ მატჩებს მხოლოდ სტუმრად რომ თამაშობს, ესეც აუცილებლად სათქმელია…

საინტერესოა, დაუშვებენ თუ არა მაყურებლებს ესპანეთსა და ბულგარეთში.

See the source image — კოსოვოსთან მატჩი უმაყურებლოდ ჩატარდება. ბათუმშივე, შავი ზღვის პლაჟზე კი … არადა, ბათუმის სტადიონიდან ზღვამდე 1000 მეტრია

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.